नाशिक (इंडिया दर्पण वृत्तसेवा) – मुंबई- आग्रा महामार्गावर वाडिव-हे येथे दत्त मंदिर जवळ कारने मोटर सायकलला धडक दिल्याची घटना घडली. या अपघातात आई व मुलगा गंभीर जखमी झाले आहे. दुपारी साडेचार वाजता नाशिक कडून मुंबईकडे जाणा-या मोटर सायकलला मागून येणा-या बलोनो कारने जोरदार धडक दिली. या धडकेमुळे मोटर सायकलवर प्रवास करणारे आई व मुलगा गंभीर जखमी झाले.
या अपघातात गंभीर जखमी झालेले किशोर भाऊराव शिंदे, कविता भाऊराव शिंदे रा. वाळविहिर ता. ईगतपुरी हे असून अपघातातील मोटर सायकलाच क्रं MH.15.JE.8940 हा आहे तर बलोनो कारचा क्रं.MH.46.CE.5274 असल्याची माहिती समोर आली आहे.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमींना तात्काळ नाशिकच्या शासकीय रुग्णालयात दाखल करण्यात आले.
