नाशिक (इंडिया दर्पण वृत्तसेवा)- शहरात वेगवेगळया भागातून तीन मोटारसायकली चोरीला गेल्याच्या घटना घडल्या. याप्रकरणी सातपूर आणि उपनगर पोलिस ठाण्यात चोरीच्या नोंदी करण्यात आल्या आहे. पहिली घटना नाशिकरोड भागात घडली. अनिल किसन जाधव (रा.रजनीपंडीत अपा.उत्तरानगर) यांनी याबाबत तक्रार दाखल केली आहे. जाधव यांची एमएच १५ एफआर ०४८२ दुचाकी गेल्या सोमवारी (दि.१८) त्यांच्या सोसायटीच्या आवारात लावलेली असतांना चोरट्यांनी ती चोरून नेली.
दुसरी घटना सातूपर कॅालनी भागात घडली. औद्योगीक वसाहतीतील निखील दत्तात्रेय विसपूते (३३ रा.अशोकनगर सातपूर) हे गेल्या रविवारी (दि.१७) सायंकाळची सुमारास सातपूर कॉलनी भागात गेले होते. परिसरात पार्क केलेली त्यांची एमएच १९ एव्ही १०४१ दुचाकी चोरट्यांनी पळवून नेली. याबाबत सातपूर पोलिस ठाण्यात गुह्याची नोंद करण्यात आली असून अधिक तपास हवालदार सुर्यवंशी करीत आहेत.
तिस-या घटनेत सुशिल प्रकाश गांगुर्डे (रा.कैलासजी हौ.सोसा जेलरोड) यांची एमएच १५ ईटी १८६५ दुचाकी सोमवारी (दि.१८) रोजी कारागृहासमोरील गजानन गॅरेज सेंटर येथे लावलेली असतांना ती चोरट्यांनी पळवून नेली. दोन्ही घटनांबाबत उपनगर पोलिस ठाण्यात वेगवेगळे गुन्हे दाखल करण्यात आले असून अधिक तपास हवालदार पवार व पोलीस नाईक हिवाळे करीत आहेत.
