नाशिक (इंडिया दर्पण वृत्तसेवा) – नाशिक मुंबई- आग्रा महामार्गावर गोंदे लिअर कंपनी जवळ ट्रक व कंटेनरच्या अपघातात एक जण गंभीर जखमी झाला आहे. पहाटे साडेचार वाजता हा अपघात झाला. मुंबई कडून नाशिककडे जाणा-या या दोन वाहनांचा अपघात झाला. गोंदे लिअर कंपनी जवळ पुढच्या कंटेनरला मागून येणा-या ट्रकने जोरदार धडक दिली. त्यामुळे दोन्ही वाहनांचे नुकसान झाले.
यामुळे ट्रकची कॅबिनचे नुकसान झाले. या अपघातात ट्रकचालक ट्रकमध्ये अडकून पडला. त्यास तात्काळ बाहेर काढण्यात आले. त्याच्या पोटास गंभीर मुका मार लागला आहे. वसंत भदु चौधरी (४५) रा. अमळनेर असे ट्रक चालकाचे नाव आहे. या अपघातातील ट्रकचा क्रं MH.19.Z.327 तर कंटेनर क्रं.MP.09.HH.0688 हा आहे.
या अपघाताची माहिती फोनवरमिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. जखमी ट्रक चालकाला तात्काळ घोटी ग्रामीण रूग्णालयामध्ये दाखल करण्यात आले आहे.
