लातूर (इंडिाय दर्पण वृत्तसेवा) –उसाच्या ट्रॅक्टरला कारची धडक बसून झालेल्या अपघातात तीन शिक्षकांसह चौघे ठार झाले. चौथी व्यक्ती कारचालक होती. औसा-तुळजापूर महामार्गावर गुरुवारी मध्यरात्री हा अपघात झाला.
जिल्हा परिषद शाळेचे तीन शिक्षक आणि त्यांचा चालक कारने प्रवास करीत होते. ही कार शिवलीहून औस्याकडे येत होती. ती उसाची वाहतूक करणाऱ्या ट्रॅक्टरला धडकली. कारचा वेग एवढा होता, की अपघातानंतर कारचे इंजिन कारपासून वेगळे होऊन ३० फूट लांब जाऊन पडले.
या अपघाताची माहिती मिळताच स्थानिक नागरिक व पोलिसांनी मदतकार्य सुरू केले. मृतांत मेहबूब मुन्नवरखान पठाण, जयप्रकाश मोतीराम बिराजदार, संजय बाबूराव रणदिवे व चालक राजेसाब नन्हू बागवान या चौघांचा समावेश आहे.
