नाशिक (इंडिया दर्पण वृत्तसेवा)- रिक्षा प्रवासात महिलेची कापडी पिशवी चोरीला गेली. या पिशवीत सोन्याचांदीचे दागिणे व रोख रक्कम असा सुमारे एक लाखाचा ऐवज होता. याप्रकरणी पंचवटी पोलिस ठाण्यात अज्ञात रिक्षाचालका विरोधात चोरीचा गुन्हा दाखल करण्यात आला आहे.
पुनम विक्रम जखवाडे (४४ रा.सैलानीबाबा दर्गा,जेलरोड) यांनी याप्रकरणी तक्रार दाखल केली आहे. जखवाडे सोमवारी (दि.१८) पेठरोड भागात आल्या होत्या. रिक्षातून प्रवास करून त्या रात्रीच्या सुमारास भक्तीधाम परिसरातील मारूती मंदिरासमोर उतरल्या असता ही घटना घडली.
पाठीमागील आसनावर कापडी पिशवी ठेवून त्यांनी रिक्षाभाडे दिले. भाडे पदरात पडताच चालकाने पिशवीसह आपले वाहन पळवून नेले असून या पिशवीत रोकडसह सोन्याचांदीचे दागिणे असा सुमारे १ लाखाचा ऐवज होता. अधिक तपास हवालदार माळोदे करीत आहेत.
