वंदना वेदपाठक, इंडिया दर्पण वृत्तसेवा
अभिनेत शाहरुख खानच्या डंकी या सिनेमाची प्रेक्षकांमध्ये प्रचंड उत्सुकता आहे. त्यातच दुबईच्या सुप्रसिध्द बुर्ज खलिफा या इमारतीवर सुद्धा शाहरुखच्या डंकीचा ट्रेलर झळकला, याने शाहरुखच्या शिरपेचात अजून एक मानाचा तुला खोवला गेलाय. शाहरुख खानच्या चित्रपटाची जणू एक परंपराच बनत चालली असून चाहत्यांमध्ये यामुळे अजूनच उत्साहाचे वातावरण तयार होतेय.
डंकी थिएटरमध्ये रिलीज होण्यापूर्वी भारतीय सेन्सॉर बोर्डाच्या सदस्यांसाठी स्क्रीनिंग आयोजित करण्यात आले होते. या स्क्रीनिंग मध्ये डंकी सिनेमाला स्टॅंडिंग ओवेशन मिळाले. यावेळेस शाहरुखही चकीत झाला. बऱ्याच प्रेक्षकांकडून तर ॲडव्हान्स बुकिंग करण्यात आल्यामुळे चाहत्यांमध्ये उत्साहाचे वातावरण तयार झाले आहे.
राजकुमार हिरानी आणि शाहरुख खान हे पहिल्यांदाच एकत्र काम करत आहेत त्यामुळे हे चाहते हा सिनेमा पाहण्यास खूप आतुर आहेत .डंकी हा सिनेमा गौरी खानची निर्मिती रेड चिलीज एंटरटेनमेंट, जिओ स्टुडिओज आणि राजकुमार हिरानी फिल्म ची प्रस्तुती आहे. सिनेमात शाहरुख सोबतच अभिनेत्री तापसी पन्नू ,विकी कौशल ,विक्रम कोचर आणि अनिल ग्रोवर यांच्याही मुख्य भूमिका आहेत. सिनेमा उद्या म्हणजेच 21 डिसेंबर रोजी सिनेमागृहात प्रदर्शित होतो आहे.
