नाशिक (इंडिया दर्पण वृत्तसेवा) – मुंबई- आग्रा महामार्गावर पालखेड फाटा येथे मोटरसायकल व सायकलची समोरासमोर धडक झाल्याने दोन जण जखमी झाले आहे. सायंकाळी ७ वा हा अपघात झाला.
या अपघातात उत्तम वाल्मिक शिंदे (२५) मु. पो. शिरवाडे वणी, ता निफाड व तुकाराम पुंजा वाघ (७०) मु. पो. जानोरी ता. दिंडोरी हे जखमी झाले आहे.
या अपघाताची माहिती मिळताच शिरवाडे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमींना पिंपळगाव येथील सरकारी रुग्णालयात दाखल करण्यात आले. त्यानंतर नातेवाईकांच्या म्हणण्यानुसार एकाला राधाकृष्ण हॅास्पिटलमध्ये दाखल करण्यात आले.
