वंदना वेदपाठक, इंडिया दर्पण वृत्तसेवा
अटल बिहारी वाजपेयी यांच्या जीवनावर आधारित सिनेमाचे टीझर रिलीज झाला आहे. रवी जाधव दिग्दर्शित’ मैं अटल हूँ असा हा सिनेमा आहे.बॉलीवूड अभिनेते पंकज त्रिपाठी यांनी माजी पंतप्रधान अटल बिहारी वाजपेयी यांची भूमिका साकारली आहे. या टीझरमध्ये अटल बिहारी वाजपेयी यांच्या जीवनाची झलक पाहायला मिळते. तसेच कसदार अभिनेते पंकज त्रिपाठी यांची या टीझर मध्ये अभिनयाची भन्नाट झलक पाहायला मिळते.
टीझर मध्ये वाजपेयी ठाम निश्चय करत” दलदल में कमल खिलाना होगा !”असा दमदार डायलॉग म्हणताना दिसतात. तसेच पंकज त्रिपाठींनी वाजपेयींचं व्यक्तिमत्व पूर्णपणे आत्मसात केल्याचे पाहायला मिळते.
या सिनेमाचा दिग्दर्शन रवी जाधव यांनी केलं असून ऋषि विरमणी आणि रवी जाधव यांचे लेखन आहे. तसेच भानुशाली स्टुडिओज लिमिटेड आणि लिजेंड स्टुडिओची प्रस्तुती आहे. सिनेमा १९ जानेवारी २०२४ रोजी प्रदर्शित होईल.
