नाशिक (इंडिया दर्पण वृत्तसेवा) – नाशिक -मुंबई- आग्रा महामार्गावर स्टारलाईट कंपनी जवळ दूध वाहून नेणा-या वाहनाने मोटर सायकलला धडक दिल्याची घटना घडली. या अपघातात पती पत्नी गंभीर जखमी झाले आहे. आज सायंकाळी साडेसहा वाजता हा अपघात झाला.
या अपघातात दूधगाडीने मोटर सायकलला मागून जोरदार धडक दिली. त्यात मोटर सायकलवर वरुन प्रवासकरणारे पती पत्नी गंभीर जखमी झाले. या अपघातात दूध वाहून नेणा-या छोटा हत्ती वाहनाचा नंबर क्रं.MH.15.EG.8970 हा आहे. या अपघातत पती सोमनाथ गंगाराम जाधव (६०) व पत्नी निर्मला सोमनाथ जाधव (४६) रा. मुकणे, इगतपुरी हे जखमी झाले आहे.
या अपघाताची माहिती मिळताच गोंदे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुगणवाहिका लगेचच अपघात स्थळी पोहोचली व जखमींना नाशिक येथील खासगी रुग्णालयात दाखल केले.
