वंदना वेदपाठक, इंडिया दर्पण वृत्तसेवा
साऊथ सुपरस्टार प्रभासच्या बहुप्रतिक्षित सिनेमा ‘सालार’ चित्रपटाचा धडाकेबाज ट्रेलर रिलीज झाला आहे. या ट्रेलरची प्रेक्षकांमध्ये खूप दिवसांपासून उत्सुकता होती. सालारच्या ट्रेलरमध्ये प्रभासचा ॲक्शनने भरलेला अंदाज पाहायला मिळतोय.
तसेच त्याच्यासोबत अभिनेता पृथ्वीराज सुद्धा दिसत आहे. जब दो जिगरी दोस्त दुश्मन बने या टॅग लाईनने हा ट्रेलर रिलीज करण्यात आलाय, तसेच अब खानसार लाल होगा ! असं वाक्यही या ट्रेलर सोबत आहे.
प्रभास आणि पृथ्वीराज या दोन जिगरी दोस्तांची गोष्ट या ट्रेलरमध्ये पाहायला मिळते. एका शहरात हे दोन मित्र अन्यायाचा सामना करत आहेत पण पुढे त्याच दोघांमध्ये संघर्षाची ठिणगी पेटते आणि मग पुढे काय होणार हे हा सिनेमा बघितल्यावरच कळेल. हा चित्रपट २२ डिसेंबर रोजी सिनेमा घरांत प्रदर्शित होतोय.
