नाशिक (इंडिया दर्पण वृत्तसेवा) – भरदिवसा झालेल्या घरफोडीत चोरट्यांनी सुमारे पावणे दोन लाखाचा ऐवज चोरुन नेला. या घरफोडीत रोकडसह सोन्याचांदीचे दागिणे चोरुन नेले. दिंडोरीरोडवरील आकाश पेट्रोल पंप भागात ही घरफोडी झाली. याबाबत म्हसरूळ पोलिस ठाण्यात घरफोडीचा गुन्हा दाखल करण्यात आला आहे.
गणेश नंदू खुर्दळ (रा.रतन हौ.सोसा.सावरकर गार्डन) यांनी याबाबत फिर्याद दाखल केली आहे. खुर्दळ कुटुंबिय गुरूवारी (दि.१४) अल्पशा कामानिमित्त घराबाहेर पडले असता ही घटना घडली. अज्ञात चोरट्यांनी त्यांच्या बंद घराच्या दरवाजाचे कुलूप तोडून कपाटात ठेवलेली रोकड व सोन्याचांदीचे दागिणे असा सुमारे १ लाख ८४ हजार रूपये किमतीचा ऐवज चोरून नेला. अधिक तपास सहाय्यक निरीक्षक पाटील करीत आहेत.
खुटवडनगर भागात लॅपटॉप चोरून नेल्याची घटना
नाशिक (इंडिया दर्पण वृत्तसेवा) – खुटवडनगर भागात उघड्या घरात शिरून चोरट्यांनी लॅपटॉप चोरून नेल्याची घटना घडली. याबाबत अंबड पोलिस ठाण्यात चोरीचा गुन्हा दाखल करण्यात आला आहे.
प्रतिक संजय भाबड (२२ रा.पुजा अपा.कार्तिक नगर) या युवकाने याप्रकरणी तक्रार दाखल केली आहे. भाबड गुरूवारी (दि.१४) आपल्या घरात असतांना ही घटना घडली. अज्ञात चोरट्यांनी त्यांच्या उघड्या घरात शिरून हॉलमधील टेबलावर ठेवलेला लॅपटॉप चोरून नेला. अधिक तपास उपनिरीक्षक शेख करीत आहेत.
