नाशिक (इंडिया दर्पण वृत्तसेवा) – अश्लिल व्हिडीओ व्हायरल करण्याची धमकी देत लग्नास नकार दिल्याची धक्कादायक घटना समोर आली आहे. या तरुणाने लग्नाचे आमिष दाखवून तरूणीवर बलात्कार केल्याची तक्रार पीडित तरुणीने केली आहे. या तक्रारीनंतर पोलिसांनी तात्काळ संशयितास अटक केली आहे. याप्रकरणी मुंबईनाका पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार तौसिफ अहमद युसूफ शेख (३५ रा.सात्विक रेसि.पखाल रोड) असे अटक करण्यात आलेल्या संशयिताचे नाव आहे. रवी शंकर मार्ग भागात राहणा-या पीडितेने याबाबत फिर्याद दाखल केली आहे. पीडिता व संशयित एकमेकांचे परिचीत असून त्यांच्यात २०२१ पासून प्रेमसंबध आहेत. लग्नाचे आमिष दाखवत संशयिताने वेळोवेळी बलात्कार केला.
या काळात दोघांचे अश्लिल फोटो व व्हिडीओ काढण्यात आले. तरूणीने लग्नाचा तगादा लावला असता संशयिताने नकार देत अश्लिल व्हिडीओ सोशल मीडियावर व्हायरल करण्याची धमकी दिली. त्यामुळे युवतीने पोलिसात धाव घेतली असून अधिक तपास सहाय्यक निरीक्षक मन्सुरी करीत आहेत.
