नाशिक (इंडिया दर्पण वृत्तसेवा) – नाशिक मुंबई- आग्रा महामार्गावर वाडिव-हे कातोरे पंपाजवळ मोटर सायकलच्या अपघातात पती पत्नी व मुलगा जखमी झाले. शनिवारी दुपारी साडेबारा वाजता हा अपघात झाला.
नाशिक कडून मुंबईकडे जाणारी मोटर सायकलला वाडीव-हे कातोरे पंपाजवळ अज्ञात वाहनाच्या धडक दिली. या धडकेने पती, पत्नी व मुलगा किरकोळ जखमी झाले. रमेश भाऊराव गवारी (३६), प्रमिला रमेश गवारी (३०) व दोन वर्षाचा मुलगा अशी जखमींची नावे आहे.
या अपघाताची माहिती मिळताच गोंदे फाटा येथील जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली व जखमींना तात्काळ वाडिव-हे येथील मल्टीस्पेशालिट हॉस्पिटल मध्ये दाखल केले.
