इंडिया दर्पण ऑनलाईन डेस्क
भारतीय राष्ट्रीय काँग्रेसचे खासदार धीरज साहू यांच्या विविध ठिकाणहून ३५० हून अधिक कॅश आयकर खात्याने जप्त केल्यानंतर खा. साहू यांची पहिली प्रतिक्रिया समोर आली आहे. त्यांनी सांगितले भाजपने केलेल्या आरोपा बद्दल सांगितले की मी आधीच सांगितले आहे की हा पैसा माझ्या कुटुंबातील व्यावसायिक कंपन्यांचा आहे. आयकर विभागाची बाजू येऊ द्या मग ती काला धन आहे सफेद मी बिझनेस लाइनमध्ये नाही. त्यामुळे माझ्या कुटुंबातील सदस्य याला उत्तर देतील. लोक याकडे कसे पाहतात हे मला माहीत नाही पण मी आत्मविश्वासाने सांगू शकतो की या पैशाचा काँग्रेस किंवा इतर कोणत्याही गोष्टीशी काहीही संबंध नाही. छाप्यात जी रक्कम जप्त केली आहे ती आमच्या दारुच्या कंपनीची आहे. दारुचा व्यवसाय हा रोख स्वरुपात होतो असेही त्यांनी सांगितले.
धीरज साहू काँग्रेसचे नेते आहेत. ते उद्योजक आहेत. धीरज यांचे बंधू शिवप्रसाद साहू हेही खासदार होते. त्यांचे कुटुंब स्वातंत्र्यापासून काँग्रेसमध्ये आहे. धीरज साहू यांनी १९७७ मध्ये राजकारणात प्रवेश केला. १९७८ च्या ‘जेल भरो’ आंदोलनात ते तुरुंगात गेले होते. जून २००९ मध्ये ते पहिल्यांदा राज्यसभेवर निवडून आले. २०२० मध्ये ते प्रसिद्धीच्या झोतात आले. तेव्हा सर्वोच्च न्यायालयाने त्यांची निवडणुकीशी संबंधित याचिका फेटाळली. भाजपचे उमेदवार प्रदीप सोथनालिया यांनी त्यांच्या निवडणुकीला आव्हान दिले होते.
३० कपाटातून ३५० कोटी जप्त
झारखंडमधील काँग्रेसचे राज्यसभा सदस्य धीरज साहू चर्चेत आहेत. प्राप्तिकर विभागाने बुधवारी तीन राज्यांतील त्याच्या अर्धा डझन ठिकाणांवर छापे टाकले. प्राप्तिकर विभागाने झारखंड आणि ओडिशातील बौद्ध डिस्टिलरीज प्रायव्हेट लिमिटेड (दारू उत्पादन कंपनी) वर छापा टाकला आणि कंपनीशी संबंधित परिसरातून ३० कपाटातून ३५० कोटीहून अधिक नोटा जप्त केल्या.
नोटा भरून ट्रकमध्ये ठेवल्या
या नोटांची संख्या जास्त असल्याने मशिन्सने काम करणे बंद केले होते. बौद्ध डिस्टिलरी प्रायव्हेट लिमिटेडमध्ये करचुकवेगिरीच्या संशयावरून प्राप्तिकर विभागाच्या अधिकाऱ्यांनी अनेक ठिकाणी छापे टाकले होते. प्राप्तिकर विभागाच्या टीमसोबत सीआयएसएफचे जवानही होते. बुधवारी छापा टाकण्यात आला आणि खात्याच्या अधिकाऱ्यांनी नोट मोजणी यंत्राचा वापर करून खरी रोख रक्कम तपासली, नोटा बँकेत आणण्यासाठी १५७ पिशव्या खरेदी केल्या होत्या, त्या कमी पडल्या. नंतर गोण्या आणण्यात आल्या. त्यात नोटा भरून ट्रकमध्ये ठेवल्या आणि बँकेत नेल्या.
