नाशिक (इंडिया दर्पण वृत्तसेवा) – शहरात वेगवेगळया भागातून नुकत्याच पाच मोटारसायकली चोरीला गेल्याच्या घटना घडल्या आहे. याप्रकरणी पंचवटी,सरकारवाडा,मुंबईनाका व सातपूर पोलिस ठाण्यात गुन्हे दाखल करण्यात आले आहे.
पहिली घटना तिबेटीयन मार्केट भागात घडली. याबाबत सचिन गजानन पडघान (रा.हिरो शो रूमजवळ, आंबेडकरनगर) यांनी याप्रकरणी तक्रार दाखल केली आहे. पडघान बुधवारी (दि.१३) तिबेटीयन मार्केट भागात गेले होते. परिसरातील जॉगिंग ट्रॅकचे प्रवेशद्वारासमोर त्यांनी आपली पल्सर दुचाकी एमएच १५ जीजे ९१०२ पार्क केली असता ती चोरट्यांनी चोरून नेली. दोन्ही घटनांप्रकरणी सरकारवाडा पोलिस ठाण्यात गुन्हा दाखल करण्यात आला असून अधिक तपास हवालदार साबळे व माळोदे करीत आहेत.
दुसरी घटना रविशंकर मार्गावर घडली. याबाबत उध्दव मुरलीधार महाजन (रा.साईनाथ रो हाऊस,जयहिद कॉलनी,महाजननगर अंबड लिंक रोड) यांनी फिर्याद दाखल केली आहे. महाजन गेल्या रविवारी (दि.३) सायंकाळच्या सुमारास रविशंकर मार्गावरील आदित्यनगर भागात गेले होते. महानगर पाकिलेच्या गार्डन परिसरात त्यांनी आपली दुचाकी एमएच १५ सीबी ०१२८ पार्क केली असता ती चोरट्यांनी पळवून नेली. याबाबत पोलिस नाईक काकुळते करीत आहेत.
तिस-या घटनेत राजेंद्र मुरलीधर गांगुर्डे (रा.आनदवली) यांची शाईन मोटारसायकल एमएच ४८ ए ४२६६ गेल्या शुक्रवारी (दि.८) औद्योगीक वसाहतीतील व्हिक्टर कंपनीच्या भिंती लगत लावलेली असतांना ती चोरट्यांनी चोरून नेली. याबाबत सातपूर पोलिस ठाण्यात गुह्याची नोंद करण्यात आली असून अधिक तपास हवालदार बेंडकुळे करीत आहेत.
चौथी घटना जिल्हा रूग्णालयाच्या आवारात घडली. संसरी गाव येथील धनविर जगपाल चंडालीया (रा.यासिका अपा.दत्त चौक) हे गेल्या शुक्रवारी (दि.८) जिल्हा शासकिय रूग्णालयात गेले होते. आवारातील पार्किंगमध्ये लावलेली त्यांची सीडीडॉन एमएच १५ बीई ५८५७ चोरट्यांनी पळवून नेली. पाचव्या घटनेत पेठरोडवरील मारूती हरिभाऊ चव्हाण (रा.श्रीगणेश अपा. कर्णनगर) यांची प्लॅटीना मोटारसायकाल एमएच ४१ एवाय ४०३१ बुधवारी (दि.१३) रात्री त्यांच्या सोसायटीच्या पार्किंगमध्ये लावलेली असतांना ती चोरट्यांनी चोरून नेली. याबाबत पंचवटी पोलिस ठाण्यात गुह्याची नोंद करण्यात आली असून अधिक तपास हवालदार कोरडे करीत आहेत.
