वंदना वेदपाठक, इंडिया दर्पण वृत्तसेवा
२०२३ वर्षातल्या बहुप्रतिक्षित सिनेमांमध्ये साऊथ सुपरस्टार प्रभासच्या सालार चित्रपटाचा समावेश आहे. प्रदर्शनापूर्वीच प्रेक्षकांमध्ये या चित्रपटाची जबरदस्त क्रेझ दिसूनयेत आहे. या चित्रपटात ॲक्शन आणि ड्रामा आहे आणि हे पाहण्यासाठी चाहते खूपच उत्सुक आहेत. आता चाहत्यांसाठी निर्मात्यांनी अजून एक छानसं सरप्राईज दिले ते म्हणजे सालार या चित्रपटातील पहिलं गाणं ‘सुरज ही छाव बनके’ हे रिलीज केलं आहे.
या आधी निर्मात्यांनी या बहुप्रतिक्षित सिनेमाचा ट्रेलर रिलीज केला आणि तो चाहत्यांच्या खूप पसंतीस उतरला होता. आता या सिनेमाचं पहिलं गाणं ही रिलीज करण्यात आले. या गाण्यात भावनिक पैलू आहेत. दोन जिवलग मित्रांच्या भावना या गाण्यातून दिसून येत आहेत.
या चित्रपटाचे दिग्दर्शन प्रशांत अनिल यांनी केले. सुरज ही छाव बनके हे गीत मेनूका पोडले यांनी गायले आहे आणि त्याचे दिग्दर्शन रवी बसरूर यांनी केलं आहे. गाण्याचे बोल रिया मुखर्जीने लिहिले आहेत. या गाण्याच्या हिंदी वर्जनला युट्युब वर रिलीज नंतर अवघ्या काही तासात मोठ्या प्रमाणात व्ह्यूज मिळाले आहेत आणि हे गाणं चाहत्यांकडून खूप पसंत केले जातेय.
