येवला (इंडिया दर्पण वृत्तसेवा) – शहरातील महामार्गावरील विंचूर चौफुली जवळ पतीने पत्नीवर कोयत्याने वार केल्याची घटना घडल्याने एकच शहरात एकच खळबळ उडाली. आज मंगळवारचा बाजार असल्याने खरेदीसाठी रस्त्यावर मोठी गर्दी असतांना ही घटना घडली.
या घटनेनंतर नागरिकांची धावपळ उडाली. या प्राण घातक हल्ल्यात पत्नी पूजा दाभाडे ही गंभीर जखमी झाली आहे. पोलिसांनी तिला तातडीने उपजिल्हा रुग्णालयात दाखल करण्यात आले. अरुण दाभाडे असे या माथेफिरू पतीचे नाव असून तो भारतीय सैन्यात सेवेत आहे.
हे दोन्ही कोपरगाव टाकळी येथील राहणारे आहे. गेल्या अनेक दिवसापासून पतिपत्नी मध्ये कौटुंबिक वाद असल्याची प्राथमिक माहिती आहे. घटने नंतर पोलीसांनी घटनास्थळी धाव घेऊन या माथेफिरू आरोपीला ताब्यात घेण्यात आले आहे
