नाशिक (इंडिया दर्पण वृत्तसेवा) -मुंबई – आग्रा महामार्गावर सोमवारी रात्री ८ वाजता वा सैनी ढाबा हॅाटेलसमोर कंटेनर गाडीची मोटरसायकलला धडक दिल्याने अपघात झाला.
या अपघातात नांदगाव तालुक्यातील कळमदरी येथील लक्ष्मण दशरथ दळवी (५०) व रोहीत लक्ष्मण दळवी (२३) हे जखमी झाले. या अपघातात शाईन कंपनीच्या मोटरसायकल MH BN 4893 या वाहनावरुन दळवी जात होते. त्यांच्या मोटरसायकलला RJ 14 GL 9546 या कंटेनरने धडक दिली.
या अपघाताची माहिती मिळताच शिरवाडे फाटा स्पॅाटवर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमी दोघांना पिंपळगाव बसवंत येथील सरकारी हॅास्पिटलमध्ये पिंपळगाव दाखल केले.
