इंडिया दर्पण ऑनलाईन डेस्क
कसारा आणि इगतपुरी दरम्यान मालगाडीचे डब्बे घसरल्याची घटना रविवारी घडली. सायंकाळी साडेसहा वाजता ही घटना घडली. याघटनेमुळे मुंबईहून व भुसावळकडून येणा-या दोन्ही मार्गावरची वाहतूक विसकळीत झाली आहे.
मुंबई डिव्हिजनवर डाऊन मेन लाइनवर कसारा टीजीआर-3 डाऊन लाइन सेक्शन दरम्यान ही मालगाडी पटरीवरून उतरलीची घटना समोर आल्यानंतर रेल्वे प्रशासनाने तातडीने त्याची दखल घेत मदतकार्याची तयारी सुरु केली. या मालगाडीचे दोन वॅगन रुळावरुन घसरल्या. या घटनेमुळे मुंबईतील लोकल सेवेवर कोणताही परिणाम झाला नाही.
रेल्वे कर्मचाऱ्यांनी घटनास्थळी धाव घेऊन युद्धपातळीवर काम सुरू केले. त्यानंतर वाहतूक सुरळीत झाली. इगतपुरीच्या दिशेने जात असताना ही मालगाडी घसरली.
