नाशिक (इंडिया दर्पण वृत्तसेवा) -औद्योगिक प्रशिक्षण संस्था, सातपूर, नाशिक येथे सोमवार ११ डिसेंबर रोजी सकाळी १० वाजता प्रधानमंत्री राष्ट्रीय शिकाऊ उमेदवारी मेळाव्याचे आयोजन करण्यात आले आहे.
यासाठी आय.टी.आय. परिक्षा दिलेले तसेच उत्तीर्ण झालेल्या विद्यार्थ्यांनी ॲप्रेंटिसशिप नियुक्तीसाठी उपस्थित रहावे. असे आवाहन मुलभूत प्रशिक्षण तथा अनुषंगिक सूचना केंद्र, द्वारा औद्योगिक प्रशिक्षण संस्था, नाशिक चे सहाय्यक प्रशिक्षणार्थी सल्लागार जे. जे. पाटील यांनी केले आहे.
शिकाऊ उमेदवारी भरती मेळाव्यात नाशिक परिसरातील एच.ए.एल, महिंद्रा ॲण्ड महिंद्रा, लिग्रॅन्ड, महिंद्रा सोना लि., एम.एस.एस. इंडिया लि. व इतर नामांकीत कंपन्या/ आस्थापना उपस्थित राहणार आहेत. इच्छुक उमेदवारांनी कागदपत्रांच्या मुळ प्रती सह दोन सेट झेरॉक्स प्रती, फोटोसह उपस्थित रहावे. असेही प्रशिक्षणार्थी सल्लागार जे.जे.पाटील यांनी कळविले आहे.
