इंडिया दर्पण ऑनलाईन डेस्क
मनमाड महामार्गाचे दुरुस्तीचे तसेच कोल्हार येथील पुलाचे कामामुळे अपघात होऊन कायदा व सुव्यवस्थेचा प्रश्न निर्माण होवू नये याकरीता अहमदनगर- मनमाड या महामार्गावरील जड वाहतुक पर्यायी मार्गाने वळवण्याचे आदेश जिल्हा पोलीस अधीक्षक राकेश ओला यांनी काढले आहे.
शुक्रवार ८ ते १४ डिसेंबर पर्यंत हा बदल असणार आहे.
भारतीय राष्ट्रीय राजमार्ग प्राधिकरण, अहमदनगर यांचे अधिपत्याखाली जय हिंद रोड बिल्डर्स यांचेकडून अहमदनगर मनमाड या महामागांचे दुरुस्तीचे काम सुरु करण्यात आलेले आहे. परंतु अहमदनगर मनमाड महामार्गावरुन सुरु असलेल्या अवजड वाहतुकीचे वर्दळीमुळे दुरुस्तीचे कामामध्ये व्यत्यय येत असून कोल्हार येथील पुलाचे काम करता येत नाही, तसेच कोल्हार पुल हा अवजड वाहनांकरीता धोकादायक झालेला असून सदर पुलावर पडलेल्या खड्डयांमुळे वारंवार वाहतूक कोडी होत आहे. त्यामुळे सदर पुलाचे दुरुस्तीचे काम करणे अत्यंत गरजेचे आहे. परंतु सदर महामार्गावरील अवजड वाहतुकीमुळे दुरुस्तीचे काम करणे शक्य होत नाही. त्यातच पुलाचे कामाकरीता वापरण्यात येणा-या मशीन्स उभ्या केल्यामुळे मोठया प्रमाणात वाहतूक कोंडी होण्याची तसेच पुलाचे कामादरम्यान एखादा अपघात होऊन जिवीत किंवा वित्तहानी होण्याची शक्यता नाकारता येत नाही. त्यामुळे अहमदनगर मनमाड महामार्गाचे दुरुस्तीचे तसेच कोल्हार येथील पुलाचे कामामुळे अपघात होऊन कायदा व सुव्यवस्थेचा प्रश्न निर्माण होवू नये याकरीता अहमदनगर मनमाड या महामार्गावरील जड वाहतुक पर्यायी मार्गाने वळविणे आवश्यक असल्याचे
जिल्हा पोलीस अधीक्षक राकेश ओला यांनी काढलेल्या आदेशामध्ये म्हटले आहे.
महाराष्ट्र पोलीस अधिनियम १९५१ चे कलम ३३(१)(ब) नुसार प्राप्त अधिकाराचा वापर करुन आदेशात नमुद केलेल्या वेळेकरीता अहमदनगर मनमाड या महामार्गावरील जड वाहतुक खालील मार्गाने वळविणेबाबतचा आदेश जारी करीत असल्याचे त्यांनी म्हटले आहे.
१) अहमदनगरकडुन मनमाडकडे जाणारे जाणारे जड वाहनांकरीता पर्यायी मार्ग –
i) विळद वायपास – शेंडी बायपास नेवासा कायगाव- गंगापुर वैजापुर येवलमार्ग – मनमाड कडे किंवा
ii) केडगाव वायपास कल्याण बायपास आळेफाटा संगमनेर मार्गे नाशिककडे शनि शिंगणापुर / सोनाई वरुन राहुरी मार्ग मनमाडकडे जाणारे जड वाहने अहमदनगर छत्रपती संभाजीनगर महामार्गावरुन इच्छित स्थळी जातील, देहरे – राहुरी कृषी विदयापिठ, राहुरी कडुन मनमाडकडे जाणारे जड वाहनांकरीता पर्यायी मार्ग श्रीरामपुर – बाभळेश्वर – निर्मळ पिंपरी बायपास मार्ग कोपरगाव येवला मनमाडकडे
२) मनमाड कडुन अहमदनगरकडे येणारे जड वाहनांकरीता पर्यायी मार्ग -पुणतांबा फाटा – वैजापुर गंगापुर कायगाव नेवासा शेंडी बायपास विळद बायपास केडगाव बायपास लोणी / वाभळेश्वर कडून अहमदनगकडे येणारे जड वाहनांकरीता पर्यायी मार्ग, वाभळेश्वर – श्रीरामपुर – टाकळीभान नेवासा मार्गे अहमदनगर कडे
३) मनमाड कडुन अहमदनगर मार्गे पुणे / मुंबई / कल्याणकडे जाणारे जड वाहनांकरीता पर्यायी मार्गपुणतांबा फाटा – झगडे फाटा सिन्नर नांदुर शिंगोटे संगमनेर आळेफाटा मार्ग सदर वाहतुक वळविणेबाबतचा आदेश दिनांक ०८/१२/२०२३ रोजी ०६.०० वा. ते दि. १४/१२/२०२३ रोजी २३.०० वा.
पावेतो वाजेपावेतो जारी राहील. प्रस्तुत आदेश अॅम्ब्युलन्स, अग्नीशामक दल, शासकीय वाहने, रस्ते दुरुस्तीचे कामाकरीता वापरण्यात येणारी वाहने, व स्थानिक प्रशासनाकडुन अत्यावश्यक कारणास्तव प्रवेश देण्यात येणारे वाहनांना लागू राहणार नाही.
