मालेगाव (इंडिया दर्पण वृत्तसेवा) – अद्वय हिरे ज्या कोठडीत आहे. त्याच कोठडीत तुला ठेवले जाईल..जोपर्यंत अद्वय हिरे जेलमध्ये आहे तोपर्यंत मी मालेगावमध्ये येणार असे सांगत ठाकरे गटाचे खा. संजय राऊत यांनी मालेगावमध्ये पुढचा आमदार अद्वय हिरे असल्याचे सांगितले.
मालेगावमध्ये मानहानीच्या दाव्याच्या सुनावणीला ते आल्यानंतर त्यांनी कार्यकर्त्यांची संवाद साधला. यावेळी बोलतांना ते म्हणाले की, किती कारवाया करतात त्या करा. तुम्हाला किती जुलुम करायचा अत्याचार करायचा आहे. ते करा ते आम्ही सहन करायला तयार आहोत. फटे लेकीन हटे गे नही.. आम्ही हटणार नाही. तुम्ही डरफोक आहात एक नोटीस आली म्हणून पळून गेले. पक्षांतर, धर्मांतर, नामांतर करुन एका नोटीस आल्यानंतर सगळं केले. एका नोटीसाला घाबरणारे तुम्ही… आमच्याशी काय लढणार आहात. पोलिस आज तुमचे असले तरी उद्या आमचे असतील. एक लक्षात घ्या…अद्वय हिरे आबा पुढील आमदार आहे. कोणी आता रोखू शकत नाही त्याला विधानसभेला जाण्यासाठी असेही त्यांनी यावेळी सांगितले.
यावेळी ते म्हणाले की, आज शिवसेनेची काय ताकद आहे ते मालेगावने दाखवले. संपूर्ण मालेगावच्या शुभेच्छा अद्वय हिरे आबाच्या पाठीशी आहे. जोपर्यंत अद्वय हिरे जेलमध्ये आहे. तोपर्यंत मी येथे येत राहिल. मला कधी बोलवा मी येत राहिला. कोणत्याही संघर्षाला तुमच्या सोबत उभा राहिला. कडवट शिवसेनेशी लढणे दादा भुसे सोपे नाही.. हे डरफोकाचे काम नाही. आप भाग गये आप भागते रहो हम आपका पिछा करेंग कपडे संभालो..असेही राऊत यांनी सांगत जोरदार टीका केली.
यावेळी राऊत यांनी सांगितले की, सरकारी सुडाचा बळी म्हणून त्यांना तुरुंगात टाकले आहे. आ. दादा भुसे यांना तुरुंगात पाठवालया पाहिले. १७८ कोटी शेतक-यांकडून गोळा केले. गिरणा मोसम सहकारी साखर कारखान्याच आम्ही फक्त हिशोब मागितला. चोराला चोर म्हटल्याबद्दल आमच्यावर अब्रुनुकसानीचा खटला दाखल झाला. २०२४ पर्यंत थांबा असे सांगत ठाकरे गटाचे खासदार संजय राऊत यांनी दादा भुसे यांना आव्हान दिले.
