नाशिक (इंडिया दर्पण वृत्तसेवा) – मुंबई- आग्रा महामार्गावर रायगड नगर जवळ मोटर सायकल चालकाला अज्ञात वाहनाने धडक दिली. त्यामुळे मोटर सायकलचालक गंभीर जखमी झाला. सकाळी ७ वाजता हा अपघात झाला. नाशिक कडून मुंबईकडे जाणा-या अज्ञात वाहनाने रोड क्रासिंगमध्ये मोटर सायकलला पाठीमागून जोरदार धडक दिली. त्यानंतर हा वाहनचालक पसार झाला.
या अपघातातील वाहन क्रमांक MH 15.DZ..9984 हे असून अपघातात यशवंत भिवा पादीर (५०) रा. रायगड नगर जवळ हे गंभीर जखमी झाले आहे. धडक दिल्याच्या वाहनाचा नंबर मात्र मिळू शकला नाही.
या अपघाताची माहिती मिळताच गोंदे फाटा येथे उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली व पेशंटला नाशिक सिव्हिल हॅास्पिटलमध्ये दाखल केले.
