इंडिया दर्पण ऑनलाईन डेस्क
नवी दिल्लीः पाकिस्तानात गेलेली अंजू भारतात परतली असली तरी तिच्या समस्या वाढल्या आहे. भारतात आल्यानंतर तीची चौकशीसुध्दा होऊ शकते. त्यात काही चुक किंवा गुन्हा आढळल्यास तीच्यावर कारवाई सुध्दा पोलिस करण्याची शक्यता आहे. विवाहित असलेली अंजू पाकिस्तानच्या युवकाच्या प्रेमात पडल्यानंतर तीने पाकिस्तान गाठले होते. त्यामुळे देशभर या प्रेमाची चर्चा झाली होती. पाकिस्तानमध्ये ती चार महिने राहिली. त्यानंतर आता ती परतली आहे. पाकिस्तानात जाऊन तिथल्या प्रियकराशी लग्न केलेली अंजू परत पाकिस्तानात जाणार, की नाही याबाबत अनिश्चितता आहे.
अंजू पती अरविंद आणि दोन मुलांसह राजस्थानमधील अलवर जिल्ह्यातील भिवडी येथे राहत होती. ती टुरिस्ट व्हिसावर पाकिस्तानला गेली होती; पण नंतर ती खैबर पख्तुनख्वा येथे राहणाऱ्या नसरुल्लाशी तिने लग्नही केले. अंजू आणि नसरुल्लाह यांच्या लग्नाचे फोटोही समोर आले होते.
अंजू एका ऑटोमोबाइल कंपनीत काम करत होती, तर तिचा नवरा अरविंद इंडो कंपनीत कामाला होता. अंजूचे पती अरविंद यांनी दिलेल्या माहितीनुसार, तिचे कुटुंब मूळचे उत्तर प्रदेशातील बलियाचे आहे. अंजूचे कुटुंब मध्य प्रदेशातील ग्वाल्हेरचे आहे. अं
जू आणि अरविंद यांचा विवाह २००७ साली झाला. अरविंदचा धर्म ख्रिश्चन आहे, तर अंजू हिंदू आहे. अंजूने लग्नानंतर धर्म बदलला होता. अंजूची मुले अरविंदसोबत आहेत आणि अंजूला भेटू देणार नाही असे त्याने स्पष्टपणे सांगितले आहे. अरविंदने पोलिसात तक्रार दिल्यामुळे अंजूची चौकशी होऊ शकते.
