मालेगाव (इंडिया दर्पण वृत्तसेवा)- शहरात गावठी कट्टा, तलवार, चॉपरसह ३ संशयितांना पोलिसांनी अटक केली असून ४ जण फरार झाले आहे. काही तरुण दरोडा टाकण्याच्या तयारीत शहरात आल्याची गुप्त माहिती मिळाल्यानंतर पोलिसांनी या तीन जणांना गजाआड केले.
पवारवाडी पोलिसांना ही कारवाई करतांना अगोदर काही ठिकाणी पोलिसांनी छापा टाकला. त्या ठिकाणी ३ संशयितांना पोलिसांनी ताब्यात घेतले. तर इतर ४ जण अंधाराचा फायदा घेत पळून गेले…..
ताब्यात घेतलेल्या संशयितांकडून पोलिसांनी एक गावठी कट्टा, एक तलवार, एक चॉपर असा मुद्देमाल जप्त केला आहे. अटक केलेल्या या तीन जणांची पोलिस कसून तपासणी करत आहे. तर फरार तीन जणांचा शोध घेत आहे.
