नाशिक (इंडिया दर्पण वृत्तसेवा) – सामनगाव रोडवरील भागवत किराणा दुकानासमोर भरधाव दुचाकीने दिलेल्या धडकेत ८३ वर्षीय जेष्ठ नागरिकाचा मृत्यू झाला. या अपघातानंतर दुचाकीस्वार पसार झाला असून पोलिस त्याचा शोध घेत आहे. याप्रकरणी नाशिकरोड पोलिस ठाण्यात गुन्हा दाखल करण्यात आला आहे.
निवृत्ती बाबुराव भोर (८३ रा.भोर मळा सामनगाव रोड) असे मृत जेष्ठ नागरिकांचे नाव आहे. भोर हे सामनगाव रोडवरील भागवत किराणा दुकानासमोर रस्त्याच्या कडेला उभे असताना हा अपघात झाला होता. भरधाव आलेल्या अज्ञात दुचाकीने त्याना जोरदार धडक दिली. या अपघातात त्याचा मृत्यू झाला.
या घटनेनंतर हवालदार पुंडलिक ठेपणे यानी दिलेल्या फिर्यादीनुसार गुन्हा दाखल करण्यात आला आहे. पुढील तपास उपनिरीक्षक आडके करीत आहेत.
