वंदना वेदपाठक, इंडिया दर्पण ऑनलाईन डेस्क
दिग्गज अभिनेत्यांच्या मुलांना चित्रपटसृष्टीत सर्वत्र यश मिळेलच असे नाही. त्यासाठी त्यांनाच मेहनत घ्यावी लागले. आता शाहरुख खान याची मुलगी सुहाना खान आणि अमिताभ बच्चन यांचा नातू अगस्त्य नंदा या दोघांना अभिनयाचा मोठा वारसा आहे. पण, त्यांचा एकच डान्स चांगलाच ट्रोल झाला. खरं तर त्यांचा अभिनय कसा आहे हे अजून त्यांचा चित्रपट रिलीज झाल्यानंतर समोर येईल. पण, त्यांच्या एका नृत्यांने मात्र नेटक-यांना चांगलाच टीकेला विषय दिला आहे.
हे दोघे ‘द आर्चिज’ या आगामी चित्रपटातून प्रेक्षकांच्या भेटीला येणार आहेत. त्यांचा हा चित्रपट नेटफ्लिक्सवर रिलीज होणार आहे. त्याअगोदर या चित्रपटातील सगळेच कलाकार जोरदार प्रमोशन करत आहेत.
असेच प्रमोशन करतांना एका कार्यक्रमामध्ये सुहाना आणि अगस्त्य यांनी एक डान्स केला. पण, हा डान्स त्यांना चांगलाचा महागात पडला. सोशल मीडियावर हा डान्स बघून ते चांगलेच ट्रोल होत आहेत. तुम्ही हा डान्स बघा व तुम्हीच ठरवा तो चांगला की वाईट..
