इंडिया दर्पण ऑनलाईन डेस्क
यूएईमधील प्रसिद्ध भारतीय उद्योगपती दिलीप पोपले यांनी आपल्या मुलीचा विवाह चक्क विमानात लावून दिल्यानंतर या विवाहाची सर्वत्र चर्चा आहे. २४ नोव्हेंबर रोजी झालेल्या या विवाहात ३५० पाहुणे उपस्थितीत होते. या लग्नाची चर्चा सोशल मीडियात चांगलीच रंगली आहे.
दिलीप पोपले हे दुबईत राहतात. त्यांना आपल्या मुलीचा विवाह इतरांपेक्षा वेगळा करायचा होता. त्यामुळे त्यांनी आकाशत लग्न करण्याचा प्लॅन केला. त्यानंतर हे लग्न झाले. हे लग्न प्रायव्हेट जेटमध्ये लागले. त्यातच सात फेरे घेण्यात आले. त्याची सजावटही हटकेच होती.
या लग्नानिमित्त वधू वरासह व-हाडीची दुबई ते ओमान अशी तीन तासाची हवाई वारी झाली. १९९४ मध्ये दिलीप पोपले यांचं लग्नही एअर इंडियाच्या फ्लाइटमध्ये झाले होते. पण, त्यावेळेस सोशल मीडिया नव्हते त्यामुळे त्या लग्नाची इतकी चर्चा झाली नाही. पण, या लग्नाची चर्चा मात्र जोरात झाली.
