इंडिया दर्पण ऑनलाईन डेस्क
नाशिकमध्ये आज दुपारी दीड वाजता अवकाळी पावसाने हजेरी लावली. त्यामुळे वातावरणात काहीसा बदल झाला. काल सिन्नर येथेही अवकाळी पावासाने हजेरी लावली होती. अचानक आलेल्या पावसामुळे अनेकांचा तारांबळ उडाली.
राज्यात आज मुंबईसह अनेक ठिकाणी पावसाने हजेरी लावली. याअगोदरच हवामान खात्याने अवकाळी पावसाची शक्यता व्यक्त होती. ती आज खरी ठरली. या पावसामुळे काहींचे नुकसान तर काहींना फायदा होणार आहे.
आज जायकवाडी धरणासाठी नाशिकच्या गंगापूर धरणातून विसर्ग सुरु केलेला असतांनाच हा पाऊस आला. त्यामुळे एकीकडे पाऊस पडत असतांना दुसरीकडे गोदावरी वाहत असल्यामुळे पर्यकांना पावसाळ्यातला फिल आला.
