इंडिया दर्पण ऑनलाईन डेस्क
बॉलीवूडचे शहेनशहा अमिताभ बच्चन यांनी आपल्या एकुलत्या एक मुलीला महागडे गिप्ट दिले आहे. अभिषेक व ऐश्वर्याला सोडून हे गिप्ट मुलीला दिल्यामुळे याची सोशल मीडियावर जोरदार चर्चा सुरु झाली आहे. नेमकं हे गिप्ट काय आहे याबद्दल अनेकांची उत्सुकता असली तरी हे गिप्ट सर्वांच्या परिचयाचे असेच आहे. बिग बी यांच्या मुंबईमधील जुहू तील ‘प्रतिक्षा’ या बंगल्याचा मालकी हक्क श्वेता नंदा बच्चनला दिला आहे.
सर्व बच्चन कुटुंबीय याच प्रतीक्षा बंगल्यात अनेक आठवणी आहे. हा बंगला म्हणजे बच्चन कुटुंबियांची ओळख आहे. तोच त्यांनी त्यांची मुलगी श्वेता बच्चन हिला भेट म्हणून दिलेला आहे. याबाबत अजून कुठलीही अधिकृत घोषणा झालेली नाही. मात्र मिळालेल्या माहितीनुसार बच्चन कुटुंबियांनी यासाठी तब्बल ५० लाख ६५ हजार रुपये इतके मुद्रांक शुल्क भरले आहे.
या बंगल्याची किंमत ५० कोटी ६३ लाख इतकी आहे. हा बंगला ९५८५ स्क्वेअर फुट परिसरात विस्तारलेला आहे. बिग बी यांचे प्रतीक्षा सह जलसा आणि जनक हे सुद्धा बंगले आहेत. बच्चन कुटुंबीय १९७६ पासून प्रतीक्षा बंगल्यात राहत आहेत.
