नाशिक (इंडिया दर्पण वृत्तसेवा) – मुंबई आग्रा महामार्गावर दुपारी खडकजांब शिवारात शिवा पंजाब हॅाटेलसमोर प्रवासी वाहतूक करणारी काळी पिवळी व आयशर टेम्पो या एकमेकांना धडकल्यामुळे भीषण अपघात झाला. या अपघातात पाच जण गंभीर जखमी झाले आहे.
या अपघातातील वाहन MH41- E5110 सिटर काळी पिवळी व MH43- U5620 आयशर टेम्पो हा आहे. या अपघातात रोहन चिखले (२०), प्रकाश पवार (३०), संजय धनगरे (४५), रोहित हिरामण दिंडे (२०), मनोज सुभाष काळे (१८) रा. लोहीयानगर ओझर हे जखमी झाले आहे.
या अपघाताची माहिती फोनवर मिळताच शिरवाडे फाट्यावर उभी असलेली जगद्गुरु नरेंद्राचार्य महाराज संस्थानची मोफत रुग्णवाहिका लगेचच अपघात स्थळी पोहोचली. त्यानंतर जखमींना नातेवाईकांच्या म्हणण्यानुसार ओम् हॅास्पीटल पिंपळगाव येथे दाखल करण्यात आले.
