इंडिया दर्पण ऑनलाईन डेस्क
राजस्थानमध्ये विधानसभा निवडणुकीच्या प्रचारासाठी गेलेल्या मुख्यमंत्री एकनाथ शिंदे यांचे स्वागत करणा-या पोस्टरमध्ये हिंदुहृदसम्राट असा उल्लेख केल्यामुळे ठाकरे गट आक्रमक झाला आहे. त्यांनी थेट शिंदे यांच्यावर निशाणा साधत जोरदार टीका केली आहे. ठाकरे गटाचे खासदार संजय राऊत यांनी सुध्दा या उल्लेखावरुन शिंदे गटाला घेरले आहे.
याच पोस्टवरुन शिवसेनेच्या अधिकृत ट्वीटर हँण्डलवरुन ट्वीट करत म्हटले आहे की, पक्ष चोरला, नाव चोरलं, बाप चोरायचा प्रयत्न केला… आता हेही? किती तो निर्लज्जपणा?
जगात ‘हिंदुहृदयसम्राट’ फक्त एकच…. वंदनीय हिंदुहृदयसम्राट बाळासाहेब ठाकरे! त्यांच्या आधी ना कोणी होता, त्यांच्यानंतर ना कोणी होऊ शकेल! जनता दूधखुळी नाहीये, सगळ्याचा हिशोब होणार!
