इंडिया दर्पण ऑनलाईन डेस्क
मराठी अभिनेत्री केतकी माटेगावकर बरोबर नाशिक – पुणे बसमध्ये थेट दाक्षिणात्य सुपरस्टार व पुष्पा फेम अल्लू अर्जूनबरोबर प्रवास करत असल्याचा व्हिडिओ चांगलाच सोशल मीडियावर व्हायरल होत आहे. विशेष म्हणजे या ढोल पथकात नाशिक ढोलची टीम असल्याचे दाखवण्यात आले आहे. खरं तर ही रेड बसची जाहीरात असली तरी त्यात मात्र नाशिकची निवड करण्यात आली असून त्यात बस व नाशिक ढोलला महत्त्व देण्यात आले हे विशेष.
गेल्या वर्षी प्रदर्शित झालेल्या अर्जुनच्या पुष्पा चित्रपटाने बॉक्स ऑफिसवर रेकॉर्ड ब्रेक कमाई केली होती. अशा दिग्गज अभिनेत्याबरोबर काम करण्याची संधी मिळाल्याने केतकीने हा व्हिडिओ सोशल मीडियावर व्हायरल केला आहे. त्यात हे दोन्ही दिसत आहेत. तानी, ‘टाईमपास’ अशा लोकप्रिय चित्रपटांमध्ये महत्त्वाच्या भूमिका साकारलेली केतकी चांगलीच प्रसिध्द आहे. केतकीचा प्रमुख भूमिकेत असलेला अंकुश चित्रपटही लवकरच प्रदर्शित होणार आहे. तत्पूर्वी तीने जाहिरातीचा हा व्हिडिओ सोशल मीडियावर शेअर करत तिच्या चाहत्यांना आनंदाची बातमी दिली आहे.
केतकी माटेगावकरने तिच्या इन्स्टाग्राममध्ये या जाहिरातीचा व्हिडिओ पोस्ट केला आहे. त्यात सुपरस्टार अल्लू अर्जुनबरोबर पहिल्यांदा काम करण्याचा अनुभव तीने सांगितला आहे. या पोस्टमध्ये तीने सांगितले एका जाहिरातीमध्ये महाराष्ट्राच्या संस्कृतीचं प्रतिनिधीत्व करण्याची संधी मला मिळाली याचा मला अभिमान वाटतो. अल्लू अर्जुनबरोबर पहिल्यांदा काम करण्याची संधी मिळाल्याने मी खूपच आनंदी आहे. हा दुर्मिळ योग जुळवून आणल्याबद्दल आभार या जाहिरातीमध्ये केतकी आणि अल्लू अर्जुनसह मराठी अभिनेते गिरीश कुलकर्णी सुध्दा आहे.
Pushpa fame Allu Arjun is doing.. Nashik – Pune bus travel
