इंडिया दर्पण वृत्तसेवा
नाशिक – राष्ट्रवादी काँग्रेस पार्टीच्या मुंबई प्रदेशाध्यक्ष पदी समीर भुजबळ यांची नियुक्ती झाल्यानंतर प्रथमतः ते नाशिक जिल्ह्यात आल्यावर त्यांचे नाशिक नगरीत राष्ट्रवादी युवक काँग्रेसचे शहराध्यक्ष अंबादास खैरे यांनी पुष्पहार अर्पण करून जल्लोषात स्वागत केले.
माजी खासदार समीर भुजबळ हे नाशिक लोकसभेत निवडून आल्यावर त्यांनी नाशिकचा विकास करत कायापालट केला. समीर भुजबळ यांच्याकडे संघटना बांधणीचा व निवडणुकीच्या राजकारणाचाही उत्तम अनुभव असल्याने त्यांची मुंबई प्रदेशाध्यक्षपदी निवड करण्यात आली. यामुळे नाशिक जिल्ह्यातील पदाधिकारी व कार्यकर्त्यांमध्ये उत्साहाचे वातावरण आहे. त्यामुळे समीर भुजबळ नाशिक जिल्ह्यात आल्यावर त्यांचे राष्ट्रवादी युवक काँग्रेसच्या वतीने जंगी स्वागत करण्यात आल्याचे यावेळी कार्यकर्त्यांनी सांगितले.
यावेळी युवक जिल्हाध्यक्ष योगेश निसाळ, मुकेश शेवाळे, युवक शहर उपाध्यक्ष अमोल नाईक, संदिप गांगुर्डे, कुलदीप जेजुरकर, संदिप खैरे आदींसह मोठ्या संख्येने पदाधिकारी व कार्यकर्ते उपस्थित होते.
