इंडिया दर्पण ऑनलाईन डेस्क – गेल्या दोन वर्षांपासून कोरोनाच्या संसर्गामुळे जगभरातील विविध खेळांचे अनेक सामने अनियमित सुरू आहेत, तर काही क्रीडा स्पर्धा रद्द करण्याची वेळ आली आहे. त्याच क्रिकेटसारख्या खेळामध्ये देखील अनेक देशातील संघांमधील खेळाडूंना कोरोनाची लागण झाल्याने ऐनवेळी स्पर्धा रद्द करण्याची वेळ देखील आली होती. परंतु आता कोरोना संसर्गापासून काहीसा दिलासा मिळाल्याने पुन्हा एकदा क्रिकेटचा जल्लोष दिसून येत आहे. त्यातच आता यजमान भारतीय संघाबरोबर टक्कर देण्यासाठी पाहूणा असलेला वेस्ट इंडिजचा संघ भारतात दाखल झाला आहे, इतकेच नव्हे तर पाहुण्या संघाची टीम अहमदाबादला पोहोचली आहे. तसेच वनडे आणि टी- 20 मालिकेसाठीचे वेळापत्रक देखील जाहीर झाले आहे .
भारतीय दौऱ्यासाठी वेस्ट इंडिजचा संघ अहमदाबादला पोहोचला असून भारत आणि वेस्ट इंडिज यांच्यातील तीन सामन्यांची वनडे मालिका ६ फेब्रुवारीपासून अहमदाबादच्या नरेंद्र मोदी स्टेडियमवर खेळवली जाणार आहे. यापूर्वी दोन्ही संघ अहमदाबादमध्ये सराव करतील. वेस्ट इंडिज क्रिकेट संघ मंगळवारी रवाना झाला आणि भारतीय वेळेनुसार आज बुधवारी पहाटे अहमदाबादला पोहोचला. विंडीज क्रिकेटच्या अधिकृत पेजवरून एक व्हिडिओ शेअर करण्यात आला आहे, खेळाडू विमानतळावर दिसत आहेत. व्हिडिओ शेअर करत विंडीज क्रिकेटने लिहिले की, ‘आम्ही सुरक्षितपणे अहमदाबादला पोहोचलो आहोत.’ भारत आणि वेस्ट इंडिज यांच्यातील एकदिवसीय मालिका रिकाम्या स्टेडियममध्ये खेळली जाईल, तर 75 टक्के प्रेक्षक टी-20 मालिकेसाठी स्टेडियममध्ये जाऊ शकतील.
https://twitter.com/windiescricket/status/1488675616442306560?s=20&t=lQdPF4P2pssAsxgbp-j04g
असे आहे पूर्ण वेळापत्रक
एकदिवसीय (वन डे) सामने
6 फेब्रुवारी – आंतरराष्ट्रीय नरेंद्र मोदी स्टेडियम, अहमदाबाद – दुपारी 1:30 पासून,
9 फेब्रुवारी – आंतरराष्ट्रीय नरेंद्र मोदी स्टेडियम, अहमदाबाद – दुपारी 1:30 वाजता.
11 फेब्रुवारी – आंतरराष्ट्रीय नरेंद्र मोदी स्टेडियम, अहमदाबाद – दुपारी 1:30 पासून.
टी२० सामने
16 फेब्रुवारी – आंतरराष्ट्रीय ईडन गार्डन्स स्टेडियम, कोलकाता – संध्याकाळी 7:30 वाजेपासून
18 फेब्रुवारी – आंतरराष्ट्रीय ईडन गार्डन्स स्टेडियम, कोलकाता – संध्याकाळी 7.30 वाजेपासून
19 फेब्रुवारी – आंतरराष्ट्रीय ईडन गार्डन्स स्टेडियम, कोलकाता – संध्याकाळी 7:30 वाजेपासून
https://twitter.com/windiescricket/status/1488681713924337664?s=20&t=qLj6Eep6WPWAfntU-ttdQQ
भारताचा एकदिवसीय संघ असा
रोहित शर्मा (कर्णधार), ऋतुराज गायकवाड, शिखर धवन, विराट कोहली, सूर्यकुमार यादव, श्रेयस अय्यर, दीपक हुडा, वॉशिंग्टन सुंदर, केएल राहुल, ऋषभ पंत, दीपक चहर, शार्दुल ठाकूर, युझवेंद्र चहल, कुलदीप यादव, रवी मोहम्मद यादव, बी. , प्रसिद्ध कृष्णा आणि आवेश खान.
वेस्ट इंडिज एकदिवसीय संघ असा
डॅरेन ब्राव्हो, शामराह ब्रूक्स, ब्रँडन किंग, किरन पोलार्ड (क), फॅबियन ऍलन, एनक्रुमाह बोनर, जेसन होल्डर, शाई होप, निकोलस पूरन, अकील होसेन, अल्झारी जोसेफ, केमर रोच, रोमॅरियो शेफर्ड, ओडिन स्मिथ, हेडन वॉल्श.
भारताचा टी 20 संघ असा
रोहित शर्मा, विराट कोहली, श्रेयस अय्यर, सूर्यकुमार यादव, व्यंकटेश अय्यर, वॉशिंग्टन सुंदर, अक्षर पटेल, केएल राहुल, इशान किशन, ऋषभ पंत, दीपक चहर, शार्दुल ठाकूर, रवी बिश्नोई, युझवेंद्र चहल, मोहम्मद सिराज, भुवनेश्वर, अवनेश्वर खान आणि हर्षल पटेल.
वेस्ट इंडिजचा टी- 20 संघ असा
डॅरेन ब्राव्हो, ब्रँडन किंग, रोव्हमन पॉवेल, किरन पोलार्ड (क), फॅबियन ऍलन, रेस्टन चेस, जेसन होल्डर, काइल मेयर्स, निकोलस पूरन, शाई होप, शेल्डन कॉट्रेल, डॉमिनिक ड्रेक्स, अकील होसेन, रोमॅरियो शेफर्ड, ओडिन स्मिथ, हेडन वॉल्श.
