पोस्ट ऑफिसमध्ये तुमचे खाते आहे? येत्या १ एप्रिलपासून बदलणार हा नियम; त्वरित जाणून घ्या…

मुंबई (इंडिया दर्पण वृत्तसेवा) – बँकेप्रमाणेच पोस्ट ऑफिस मध्ये नागरिकांना बचत खाते उघडून सेव्हिंग करण्याची सुविधा उपलब्ध आहे. मात्र पोस्ट ऑफिसकडून ज्येष्ठ नागरिक बचत योजना, मासिक उत्पन्न योजना आणि मुदत ठेव खात्यांवर रोख व्याज देणे येत्या 1 एप्रिलपासून बंद करणार आहे. व्याज फक्त खातेदाराच्या पोस्ट ऑफिस बचत खात्यात किंवा बँक खात्यात जमा केले जाईल. कोणत्याही कारणास्तव खातेधारक त्यांचे बचत खाते ज्येष्ठ नागरिक बचत योजना, मासिक उत्पन्न योजना आणि मुदत ठेव खात्यांशी जोडू शकत नसतील, तर थकबाकीचे व्याज पोस्ट ऑफिस बचत खात्यात किंवा धनादेशाद्वारे जमा केले जाईल, असे पोस्ट विभागाने एका परिपत्रकात म्हटले आहे.

पोस्ट विभागाने म्हटले आहे की, काही ज्येष्ठ नागरिक बचत योजना, मासिक उत्पन्न योजना आणि मुदत ठेव खातेधारकांनी त्यांचे पोस्ट ऑफिस बचत खाते किंवा बँक खाते त्यांच्या मासिक, त्रैमासिक, वार्षिक व्याजाच्या क्रेडिटसाठी लिंक केलेले नाही. अशा परिस्थितीत त्यावर देय असलेले व्याज अदा राहील. तसेच असेही निदर्शनास आले आहे की अनेक मुदत खातेधारकांना TD खात्यांच्या वार्षिक व्याजाची माहिती नसते, असे परिपत्रकात म्हटले आहे.
परिपत्रकात पुढे म्हटले आहे की, पोस्ट ऑफिस बचत बँक ऑपरेशन्सवर चांगले नियंत्रण, डिजिटल व्यवहारांना प्रोत्साहन, मनी लॉन्ड्रिंग क्रियाकलापांना प्रतिबंध आणि फसवणूक टाळण्यासाठी सक्षम प्राधिकरणाने नागरिक बचत योजना, मासिक उत्पन्न योजना आणि मुदत ठेव सुरू केली आहे. खात्यांच्या व्याज भरण्यासाठी पोस्ट ऑफिस बचत खाते किंवा बँक खाते अनिवार्यपणे लिंक करण्याचा निर्णय घेण्यात आला आहे.

ज्येष्ठ नागरिक बचत योजना, मासिक उत्पन्न योजना आणि मुदत ठेव खात्यांच्या न काढलेल्या व्याजावर कोणतेही व्याज दिले जात नाही. परंतु व्याज जर बचत खात्यात जमा केल्यास अतिरिक्त व्याज मिळेल. अशा परिस्थितीत, टपाल विभागाने लोकांना त्यांचे बचत खाते (एकतर पोस्ट ऑफिस बचत खाते किंवा बँक खाते) व्याज भरण्यासाठी लिंक करण्याचे आवाहन केले आहे.