पुणे – पॅनकार्ड क्रमांक हा दहा आकडी असून त्यास अल्फान्यूमेरिक नंबर म्हणून संबोधले जाते. पॅनकार्डवर जन्मतारखेच्या बरोबर खाली दहा आकडी पॅन क्रमांक असतो. या अल्फान्यूमेरिक नंबरमध्ये गुप्त माहिती असून ती प्रत्येक व्यक्तीसाठी वेगळी असते. त्याबद्दल आपण आज जाणून घेणार आहोत.
आर्थिक व्यवहारांकरिता सध्या पॅनकार्ड अनिवार्य झाले आहे. पॅनकार्डचा वापर एक अधिकृत ओळखपत्र म्हणून केला जातो. जर तुम्ही एखाद्या कॉर्पोरेट ठिकाणी काम करत असाल तर पगारासाठी तुमच्याकडे पॅनकार्ड असणे आवश्यक आहे.
जन्मतारखेचा बरोबर खाली असलेल्या पॅन क्रमांकाची सुरुवात इंग्रजी आकड्यांनी होते. आयकर विभागाच्या माहितीनुसार, कोणत्याही पॅन क्रमांकाची सुरुवात इंग्रजी अल्फाबेटने झालेली असते, त्यात AAA पासून ZZZ पर्यंत कोणत्याही तीन अक्षरांचा समावेश असतो. अक्षरे कोणती असतील याचा निर्णय आयकर विभाग घेत असतो.
पॅनचे चौथे अक्षर हे आयकर विभागाच्या अधिकऱ्यांकडून नक्की केले जाते. जर पॅनकार्डच्या चौथ्या स्थानी P असेल तर संबंधित पॅनकार्ड हे खासगी असून एखाद्या व्यक्तीच्या नावे त्या पॅनकार्डची नोंदणी झाली आहे. त्याचप्रमाणे जर चौथ्या संस्थांनी F असेल तर संबंधित पॅनकार्ड हे संस्थेच्या नावे नोंदणीकृत आहे. त्याचप्रमाणे C द्वारे कंपनी, AOP म्हणजे असोसिएशन ऑफ पर्सन, T द्वारे ट्रस्ट, H म्हणजे अविभाजित हिंदू परिवार, B म्हणजे बॉडी ऑफ इंडिव्हिज्युअल, L ने लोकल, J ने आर्टिफिशियल ज्युडिशियल पर्सन, G ने गव्हर्नमेंट असे दर्शवले जाते.
पॅनकार्डवरील पाचवे अक्षर हे व्यक्तीचे आडनाव दर्शवते, जर एखाद्या व्यक्तीचे नाव कुमार किंवा खुराना असेल तर पाचव्या स्थानी K लिहिलेला असतो. आडनावानंतर चार आकडे असतात. यात ००००१ ते ९९९९ पर्यंत कोणतेही चार आकडे असतात. हे आकडे कोणते असतील याचा निर्णय आयकर विभाग ठरवते. पॅनकार्डच्या दहाव्या स्थानी A ते Z मधील शब्द असतो.
