अजय सोनवणे, इंडिया दर्पण वृत्तसेवा
येवल्यातील पारेगाव या ग्रामीण भागातील संतोष जेजुरकर या पैठणी कारागिराने आषाढी एकादशीचे निमित्त साधून पैठणीच्या शेल्यावर विठ्ठलाची प्रतिमा हाताच्या साह्याने विणकाम करून साकारली आहे. या कारागिराला याकरता एक महिन्याचा कालावधी लागला आहे. हा पैठणीचा शेला सचिन आहेर मित्र मंडळाच्या वतीने मुख्यमंत्री एकनाथ शिंदे यांना आषाढी एकादशीनिमित्त भेट देण्यात येणार आहे. येवल्या शहरातील पैठणी कारागीर आपली कला पैठणी साडीच्या पदरावर नेहमीच साकारत असतात. आज पर्यंत अनेक पैठणी विणकारांनी वेगवेगळ्या पैठणी वर अनेक चित्र साकारले आहे.
