इगतपुरीच्या तलावात १५ वर्षीय मुलाचा बुडून मृत्यु

याबाबत अधिक माहिती अशी की, इगतपुरी शहरातील पंढरपुरवाडी येथे राहणारा सुजल ( हिमेश ) अनिल पार्टे हा १५ वर्षाचा मुलगा आपले मित्र यांच्यासमवेत इगतपुरी येथील नगरपालिका तलावात पोहायला गेला होता. रविवारी दुपारी ४ च्या सुमारास तलावातील पाण्याचा अंदाज न आल्याने तो पाण्यामध्ये बुडाला. प्रत्यक्षदर्शींनी मदतकार्य करून त्याला बाहेर काढत इगतपुरी ग्रामीण रुग्णालयात उपचारासाठी दाखल केले. प्राथमिक उपचारानंतर त्याला नाशिकच्या शासकीय रुग्णालयात दाखल करण्यात आले. मात्र दुर्दैवाने आज सकाळी उपचार सुरू असतांना त्याचा मृत्यू झाला. याबाबत इगतपुरी पोलीस ठाण्यात अकस्मात मृत्युची नोंद करण्यात आली असुन घटनेचा अधिक तपास पोलीस निरीक्षक समाधान नागरे यांच्या मार्गदर्शनाखाली सुरू आहे.