इगतपुरी – शहराला पाणी पुरवठा करणाऱ्या नगरपालिका तलावात पोहण्यासाठी गेलेल्या १५ वर्षीय मुलाला पाण्याचा अंदाज न आल्याने बुडाला होता. ही घटना तेथे उपस्थित असलेल्या नागरिकांना समजताच त्यांनी त्यास पाण्याबाहेर काढुन उपचारासाठी दाखल केले मात्र उपचार सुरू असताना त्याचा मृत्यू झाला.
याबाबत अधिक माहिती अशी की, इगतपुरी शहरातील पंढरपुरवाडी येथे राहणारा सुजल ( हिमेश ) अनिल पार्टे हा १५ वर्षाचा मुलगा आपले मित्र यांच्यासमवेत इगतपुरी येथील नगरपालिका तलावात पोहायला गेला होता. रविवारी दुपारी ४ च्या सुमारास तलावातील पाण्याचा अंदाज न आल्याने तो पाण्यामध्ये बुडाला. प्रत्यक्षदर्शींनी मदतकार्य करून त्याला बाहेर काढत इगतपुरी ग्रामीण रुग्णालयात उपचारासाठी दाखल केले. प्राथमिक उपचारानंतर त्याला नाशिकच्या शासकीय रुग्णालयात दाखल करण्यात आले. मात्र दुर्दैवाने आज सकाळी उपचार सुरू असतांना त्याचा मृत्यू झाला. याबाबत इगतपुरी पोलीस ठाण्यात अकस्मात मृत्युची नोंद करण्यात आली असुन घटनेचा अधिक तपास पोलीस निरीक्षक समाधान नागरे यांच्या मार्गदर्शनाखाली सुरू आहे.
Follow India Darpan
ताज्या बातम्या आणि चर्चांसाठी आमच्या सोशल मीडियावर जोडा!
ग्रामीण ते शहरी आणि जुन्या ते नव्या अशा सर्वच पातळीवर आम्ही विकास पत्रकारितेला अधिक महत्त्व देतो. समाजोन्नती व्हावी, लोकशाही बळकट व्हावी, अन्यायाला वाचा फोडावी आणि विधायक कार्य घडावे यासाठी आम्ही आग्रही आहोत.
