इगतपुरी – मुंबई आग्रा महामार्गावर आज २ अपघात झाले. हा अपघात नाशिकहून मुंबईच्या दिशेने जात असताना माणिक खांब जवळील वळणावर झाला. यामध्ये नाशिक ग्रामीण पोलिसांच्या व्हॅनला अपघात झाला. ह्या अपघातात एक जण गंभीर तर दहा जण किरकोळ जखमी झाले आहेत. जखमींना घोटी ग्रामीण रुग्णालयात दाखल करण्यात आले आहे.
पहिला अपघात नाशिकहून मुंबईच्या दिशेने जात असताना माणिक खांब शिवारात वळणावर झाला. हिरव्या मिरचीने भरलेला ट्रक क्रमांक GJ 27 TT 8685 च्या चालकाचे ट्रकवरील नियंत्रण सुटल्याने ट्रक डिव्हायडर तोडून मध्यभागी उलटला. हा ट्रक काढत असतांना ग्रामीण पोलिसांचे वाहन अपघातग्रस्त झाले. या अपघातामध्ये कोणीही जखमी झाले नाही. मुंबईकडून नाशिककडे जाणारी वाहतूक एक लेनने संथगतीने सुरू आहे. वाहतूक पोलीसांनी तत्काळ घटनास्थळी दाखल होत ट्रकला बाजू करण्याचे काम सुरू केले आहे.
