इंडिया दर्पण ऑनलाईन डेस्क – अतिशय दर्जेदार वृत्तसेवा देणाऱ्या ‘इंडिया दर्पण’च्यावतीने वाचकांच्या आग्रही मागणीस्तव वास्तू शंकासमाधान या सदराद्वारे वाचकांना आता विविध प्रकारचे अचूक मार्गदर्शन मिळत आहे. गृहस्वप्न पूर्ण होणे ही फार मोठी बाब असते. मात्र, कुठली वास्तू घ्यावी, कशी असावी, वास्तूशास्त्र काय सांगते, आपल्या राहत्या घरातील अनेक बाबी कशा असाव्यात, काही समस्या असतील तर त्या कशा दूर कराव्यात आदींविषयी या सदराद्वारे शास्त्रोक्त माहिती दिली जात आहे.
या आठवड्याचा प्रश्न असा
पती-पत्नीमधील भांडणे कमी करण्यासाठी काय करावे, असा प्रश्न सुशील भंदुरे, किर्ती नलावडे आणि कुमार सोळंकी यांनी विचारला आहे.
उत्तर असे
पती-पत्नीमध्ये सतत भांडणे होत असतील तर हिरव्या रंगात पत्नीचा फोटो आपल्या शर्टच्या खिशात ठेवावा. तसेच पत्नीने पतीचा फोटो हा आपल्या जवळ ठेवावा सोमवारी दूध व मध एकत्र करून घरामध्ये शिंपडले तर घरामध्ये समृद्धी नांदते. पती-पत्नीचे पटत नसेल तर वाद कोण सुरू करतो हे आधी बघावे. त्याच्या उशाखाली तीन कापराच्या वड्या ठेवाव्या. त्या सकाळी बाहेर पेटवाव्यात. असे ४१ दिवस केल्यास निश्चित लाभ पाहायला मिळतो.
मन खूप अस्वस्थ असेल, आपण डिप्रेशन मध्ये असाल तर रोज सकाळ व संध्याकाळ दहा ते पंधरा मिनिटे हिरवळीवर चालावे. असे केल्यामुळे आपला मूलाधार चक्र प्रभावित होते. तसेच आत्मविश्वास वाढतो. ज्यांना साडेसातीचा त्रास आहे त्यांनी उडदाची डाळ नदीमध्ये प्रभावित केल्यास लाभ मिळतो. अनुभव घ्या व प्रतिक्रिया द्या.
वास्तूविषयी आपले प्रश्न या नंबरवर व्हॉटसअॅप करावेत
ज्यो. प्रशांत सुधाकर चौधरी, नाशिक
ज्योतिष व वास्तू अभ्यासक
मो. – 9850281917
वरील नंबरवर कॉल करु नये. आपले प्रश्न फक्त व्हॉटसअॅप करावेत. आपले पूर्ण नाव आणि पत्ताही द्यावा. आपल्या प्रश्नांना इंडिया दर्पण शंकासमाधान या सदरामध्येच उत्तर दिले जाईल.
वास्तू तज्ज्ञ प्रशांत चौधरी यांच्याविषयी…
वास्तू तज्ज्ञ आणि ज्योतिषाचार्य प्रशांत सुधाकर चौधरी हे या सदराद्वारे वाचकांना मार्गदर्शन करणार आहेत. गेल्या २१ वर्षांपासून ते ज्योतिष आणि वास्तूशास्त्र क्षेत्रात कार्यरत आहेत. ज्योतिष भूषण आणि वास्तू विशारद या पदवी त्यांनी संपादित केल्या आहेत. त्याशिवाय ते गृहरक्षक दलातही सेवा बजावत आहेत. नाशिकच्या ज्योतिष अभ्यास मंडळात ते शिक्षक म्हणून जबाबदारी सांभाळत आहेत. वैवाहिक, घरगुती समस्या,अडचणी समुपदेशक म्हणूनही त्यांचा नावलौकिक आहे.
राष्ट्रीय स्वयंसेवक संघाच्या जनकल्याण समितीत ते जनकल्याण रुग्नोपयोगी साहित्य केंद्राचे सहप्रमुख आहेत. त्याशिवाय नाट्य कला क्षेत्रात नैपथ्यकार, लहान व तरुण मुलांनमध्ये संस्कार वर्ग आयोजन, भारतीय संस्कृतीचा प्रचार-प्रसार यात त्यांचे योगदान उल्लेखनीय आहे. सिंहस्थ कुंभमेळ्यात केलेल्या विशेष कामगिरीबद्दल त्यांचा विशेष सत्कार करण्यात आला आहे. पोलिस अधिक्षक ग्रामीण यांच्याकडूनही त्यांचा अनेकवेळा सन्मान झाला आहे. “कोरोनायोद्धा” म्हणूनही त्यांना गौरविण्यात आले आहे.
