इंडिया दर्पण ऑनलाईन डेस्क – मिस्टर परफेक्शनिस्ट म्हणून ओळखला जाणारा अभिनेता आमीर खान हा त्याच्या सुपरहिट चित्रपटांसाठी ओळखला जातो. आमीर खान चित्रपटात असला की चित्रपट हिट होणारच, असा ठाम समज होता. आणि तो देखील चाहत्यांचा हा समज अगदी खरा ठरवतो. याच पठडीतला त्याचा एक चित्रपट म्हणजे, ‘हम है राही प्यार के’. या चित्रपटाला नुकतीच तीस वर्षे पूर्ण झाली आहेत. या चित्रपटाबाबत काही आठवणी आता समोर आल्या आहेत.
या चित्रपटातील आमीरची सहअभिनेत्री नवनीत निशान हिने चित्रपटातील आठवणी सांगितल्या आहेत. आमीर खानसोबतच्या किसिंग सीनवर तिने प्रतिक्रिया दिली. ‘हम हैं राही प्यार के’ या चित्रपटाचे दिग्दर्शन महेश भट्ट यांनी केले होते. एका वृत्तपत्राशी संवाद साधताना नवनीत निशानने या आठवणींना उजाळा दिला. आमीर खानच्या चित्रपटात स्वतःला मिळालेल्या मोठ्या संधीबद्दलही ती बोलली. नवनीतने चित्रपटात खलनायक बिजलानीच्या (दिलीप ताहिल) मुलीची म्हणजेच ‘माया’ ची भूमिका केली होती, तिला राहुल (आमीर खान) सोबत लग्न करायचे असते. चित्रपटात दोघांचा किसिंग सीन असणार होता, पण हा सीन चित्रपटातून काढून टाकण्यात आला.
चित्रपटात जेव्हा ‘माया’ आणि ‘राहुल’चा साखरपुडा होतो तेव्हा नवनीत त्यांच्या घरी जाते. त्यानंतर आमीर खानने तिची खोड काढली होती. किसिंग सीनबाबत नवनीत सांगते, ‘आमिर तर आमिरच आहे. त्याने मला दिवसभर किसिंग सीन करायला लावला. किसमध्ये सातत्य असायला हवे, असे त्याचे म्हणणे होते. त्यामुळेच तिने आमिरच्या गालावर अनेकदा चुंबन घेतले आणि दिवसभर सराव केला. अशा स्थितीत दिवसभरात त्याच्या गालावर ७ ते ८ वेळा किस घेतल्याची आठवण नवनीत सांगते. हा सीन करून जेव्हा ती घरी आली, तेव्हा तिने सर्वांना सांगितले, ‘मी आमिर खानला दिवसभर किस केले ! मी लॉटरी जिंकली आहे.’ मात्र, तो सीन ऐनवेळी सिनेमातून काढून टाकण्यात आला. आमिर खान तसेच जुही चावलासोबत या चित्रपटात काम करण्यासाठी मी खूप उत्सुक होते. माझ्यासाठी ही खूप मोठी संधी होती.
चित्रपटातील गाणी सुपरहिट झाली होती
‘हम हैं राही प्यार के’ (१९९३) या चित्रपटाची गाणी आजही खूप लोकप्रिय आहेत. ‘घुंघट की आड से’, ‘यूं ही कट जायेगा सफर’, ‘बंबई से गई पूना’पासून ते ‘मेरी नींद मेरा चैन’पर्यंत सर्व गाणी हिट झाली.
Kissed 7 to 8 times for one scene
Hum Hain Rahi Pyar Ke Movie Amir Khan Kiss Scene
Shooting Bollywood Film
