मुकुंद बाविस्कर, इंडिया दर्पण वृत्तसेवा
असे म्हणतात की, कोणतीही गोष्ट विकत घेणे सोपे आहे परंतु त्याचा सांभाळ करणे अवघड आहे, आजच्या काळात मोबाईल फोन ही अत्यंत महत्त्वाची आणि गरजेची गोष्ट चांगली आहे परंतु काही वेळा मोबाईल फोन हरवतो किंवा चोरीला जातो तेव्हा मोठी अडचण निर्माण होते. कारण स्मार्टफोन आज आपल्या जीवनाचा अविभाज्य भाग बनला आहे. जेव्हा एखादा स्मार्टफोन चोरीला जातो किंवा हरवला जातो तेव्हा अनेकांना फोन हरवल्याच्या दु:खापेक्षा त्यांचा महत्त्वाचा डेटा हरवल्याचे दुःख जास्त वाटते.
आजकाल, आपल्या स्मार्टफोनमध्ये प्रत्येक तपशील असतो, मग तो बँक खात्याशी संबंधित तपशील असो किंवा इतर कोणतेही महत्त्वाचे आर्थिक दस्तऐवज, अशा परिस्थितीत, आपल्याला डेटाचा धोका देखील असतो. जर तुमचा फोन चुकीच्या हातात पडला तर डेटाचाही गैरवापर होऊ शकतो. अशी परिस्थिती टाळण्यासाठी, Google आपल्या Android वापरकर्त्यांना फोन शोधण्याची आणि डेटा हटविण्याची परवानगी देते. तर जाणून घ्या गुगलच्या मदतीने तुम्ही फोन कसा शोधू शकता आणि डेटा कसा डिलीट करू शकता.
प्रथम तुम्हाला फोन शोधण्याचा प्रयत्न करावा लागेल. फोनचे लोकेशन जाणून घेण्यासाठी स्मार्टफोनमध्ये लोकेशन आणि डेटा सेवा चालू असणे आवश्यक आहे. डेटा हटवण्यासाठी फक्त सक्रिय इंटरनेट असण्याने काम होईल.
स्टेप 1: यासाठी तुम्हाला Find My Device वेबसाइटवर जावे लागेल, जी गूगल सर्च केल्यास सापडेल.
स्टेप 2: येथे त्याच Google खात्यासह लॉग इन करा जे स्मार्टफोनमध्ये सक्षम आहे.
स्टेप 3: एकदा तुम्ही लॉग इन केल्यानंतर, वेबसाइट तुमचा फोन शोधण्यास सुरुवात करेल.
स्टेप 4: वेबसाईट गुगल मॅपवर फोनचे शेवटचे लोकेशन दाखवेल.
स्टेप 5: तुम्हाला हवे असल्यास, तुम्ही नकाशावर स्थानाची दिशा देखील पाहू शकता आणि फोनमध्ये प्रवेश करू शकता.
फाईंड माय डिव्हाईस फीचरद्वारे तुम्हाला फोन सापडत नसेल, तर फोनचा सर्व डेटा डिलीट केल्यास योग्य ठरते.
स्टेप 1: यासाठी तुम्हाला Find My Device वेबसाइटवर जावे लागेल.
स्टेप 2: येथे तुम्हाला Ease Device चा पर्याय दिसेल.
स्टेप 3: या पर्यायावर क्लिक करा आणि त्याची पुष्टी करा.
स्टेप 4: तुमचे Google खाते सत्यापित करा.
स्टेप 5: थोड्याच वेळात फोन रिसेट होण्यास सुरुवात होईल आणि फोनचा डेटा देखील हटवला जाईल.
स्टेप 6: लक्षात ठेवा की फोन परत केला जाणार नाही हे माहित असल्यासच ही पद्धत अनुसरण करा.
