नवी दिल्ली (इंडिया दर्पण वृत्तसेवा) – दिल्ली पोलिसांनी दक्षिण-पश्चिम दिल्लीतील महिपालपूर येथील एका हॉटेलमधून चालवल्या जाणाऱ्या सेक्स रॅकेटचा पर्दाफाश करत १४ जणांना अटक केली. या रॅकेटच्या सूत्रधारासोबतच पोलिसांनी हॉटेल मॅनेजर, एक एजंट, ड्रायव्हर, सात सेक्स वर्कर आणि तीन ग्राहकांना अटक केली आहे. त्याचबरोबर वेश्याव्यवसायासाठी वापरलेली कारही जप्त करण्यात आली आहे. दिल्ली पोलिस अधिकाऱ्यांनी शनिवारी ही माहिती दिली.
दक्षिण पश्चिमचे डीसीपी मनोज सी. यांनी सांगितले की, वसंत कुंज उत्तर पोलिस स्टेशनला शुक्रवारी एक गुप्त माहिती मिळाली होती. माहितीची पडताळणी करण्यासाठी पोलिसांच्या पथकाने बनावट ग्राहकाला हॉटेलमध्ये पाठवले होते. यादरम्यान बनावट ग्राहकाने हॉटेलच्या आतून पोलिस पथकाला माहिती दिली, त्यानंतर हॉटेलवर छापा टाकण्यात आला. वेश्याव्यवसायासाठी वापरण्यात येणारे हे हॉटेल सील करण्यात आल्याचे पोलिसांनी सांगितले
पोलिसांनी दिलेल्या माहितीनुसार, हॉटेलमध्ये वेश्याव्यवसाय चालवणाऱ्या किंगपिन आणि मॅनेजरने सात मुलींना बनावट ग्राहक दाखवले आणि ठराविक कमिशन घेतले. करार निश्चित झाल्यानंतर बनावट ग्राहकाचा संकेत मिळताच पोलिसांच्या पथकाने हॉटेलवर छापा टाकला. पोलिसांनी या व्यवसायात सामील किंगपीन, हॉटेल मॅनेजर आणि मुलींसह १४ जणांना अटक केली आहे.
पोलिस चौकशीत हॉटेल व्यवस्थापकाने पोलिसांना सांगितले की, त्याच्या हॉटेलमध्ये ग्राहकांची कमतरता होती आणि बहुतांश खोल्या रिकाम्या होत्या. त्यानंतरच अधिक ग्राहकांच्या लालसेपोटी त्याने आवारातच वेश्याव्यवसाय सुरू केला. पोलिसांनी पुढे सांगितले की, चौकशीदरम्यान हॉटेल व्यवस्थापकाने कबूल केले आहे की अटक करण्यात आलेला एजंट केवळ त्याच्या आणि हॉटेलमध्ये येणाऱ्या ग्राहकांच्या मागणीनुसार सेक्स वर्करना हॉटेलमध्ये आणत असे.
महिलांची वाहतूक करण्यासाठी वापरण्यात आलेली कारही जप्त करण्यात आल्याचे पोलिसांनी सांगितले. या प्रकरणी वसंत कुंज उत्तर पोलीस स्टेशन येथे कलम 3/4/5/8 ITP कायदा अनैतिक तस्करी (प्रतिबंध) कायद्यान्वये गुन्हा दाखल करण्यात आला आहे.
