विशेष प्रतिनिधी, नवी दिल्ली
कोरोना विषाणूच्या दुसर्‍या लाटेत नवीन रुग्ण प्रकरणे कमी होत असताना याच काळात बुरशीजन्य आजाराचे रुग्ण वाढताना दिसत आहेत. त्यामुळे सरकारसह नागरिकांचीही चिंता वाढली आहे. काळी बुरशी, पांढरी बुरशीनंतर आता पिवळ्या बुरशीचे रुग्ण देखील दिसू लागले आहेत. त्यापैकी काळी बुरशीचे रुग्ण सर्वाधिक आहेत. तर आयसीएमआरच्या एका अभ्यासानुसार असा दावा केला आहे की, रूग्णालयात दाखल झालेले किमान ३.६ टक्के रुग्ण हे दुय्यम जिवाणू व बुरशीजन्य संक्रमणाने ग्रस्त आहेत.
आयसीएमआरचा हा संशोधन अहवाल प्रकाशित झाला असून त्यात बुरशीजन्य आजाराबाबत दावा केला गेला आहे. या अभ्यासातील आकडेवारीवरून असे दिसून आले आहे की, दुय्यम संसर्ग झालेल्या रूग्णांमध्ये मृत्यूचे प्रमाण वाढून ५६.७ टक्के झाले आहे, तर देशातील दहा रूग्णालयात दाखल झालेल्या रूग्णांमध्ये हे प्रमाण १०.६ टक्के आहे. तसेच इस्पितळात दुय्यम संसर्ग झालेल्या लोकांमध्ये मृत्यूचे प्रमाण ७८.९ टक्के पर्यंत होते.
आयसीएमआरच्या एपिडेमोलॉजी अॅण्ड कम्युनिकेशनल डिसीजमध्ये प्रकाशित झालेल्या पेपरची वैज्ञानिक लेखक डॉ. कामिनी वालिया म्हणाल्या की, दुय्यम संसर्गांपैकी ७८ टक्के बहुतेक रुग्णालयात होते. इस्पितळात दाखल झाल्यानंतर दोन दिवसांनंतर त्यांना संसर्गाची चिन्हे दिसू लागली आणि बहुतेक सॅम्पलमध्ये निगेटिव्ह बॅक्टेरिया होते, कारण साथीच्या रोगा दरम्यान इस्पितळात संसर्ग नियंत्रण धोरणे कार्यरत नव्हती. तसेच डबल ग्लेझिंग आणि गरम हवामानात पीपीई किट वापरल्यामुळे हात स्वच्छतेची तितकी काळजी घेतली जात नव्हती.
दिल्लीच्या सर गंगाराम रुग्णालयाच्या सूक्ष्मजीवविज्ञान विभागाचे प्रमुख डॉ. चंद वटल म्हणाले, बुरशीमुळे रुग्णाच्या जिवाचा धोका वाढत असून कोविड -१९ इतर संक्रमणासह मृत्यूचे प्रमाण लक्षणीयरीत्या वाढवते. दुसर्‍या वेव्हनंतर बुरशीची प्रकरणे मोठ्या प्रमाणात स्टिरॉइड्सच्या अतिवापरामुळे वाढले होते. कारण तेव्हा दुसरी लाट शिगेला होती, आणि स्टेरॉइड बाजारातून गायब झाले होते, यापूर्वी असे कधी झाले नव्हते. त्याहीपेक्षा महत्त्वाचे म्हणजे या अभ्यासानुसार, स्टाँग औषधांच्या वाढत्या वापरामुळे येत्या काही वर्षांत रोगप्रतिकारक शक्ती कमी होण्याचा इशारा देण्यात आला आहे
