इंडिया दर्पण ऑनलाईन डेस्क – सामूहिक जनभावना ही वैयक्तिक भावनेपेक्षा वेगळे असते असे म्हटले जाते. जेव्हा अनेक लोक एकत्र येतात. तेव्हा त्याठिकाणी भावनांचा उद्रेक होतो, असे मानसशास्त्रज्ञ सांगतात. या भावना विधायक असतील तर चांगले काम होते. परंतु भावना जर विघातक असतील तर त्यातून वाईट गोष्टी किंवा दुर्घटना घडतात. तसेच हिंसाचार देखील उफाळून येऊ शकतो. त्यामुळे सामूहिक जनमाणसाची मन जाणणे कठीण असते.
सहाजिकच त्यामुळेच जेव्हा कायदा आणि सुव्यवस्था भंग होण्याची शक्यता असते, तेव्हा पोलीस नागरिकांच्या सामूहिक जमावावर बंदी घालतात. कारण त्यातून काही अनुचित प्रकार घडू शकतो. सध्याच्या काळात एखाद्या व्यक्तीचा तिच्यातून दुर्घटना घडली किंवा एखाद्याचा खून झाला तर त्यावेळी जमलेला जमाव त्या आरोपीची हत्या करण्यास देखील मागेपुढे पाहत नाही, असे दिसून येते. देशभरात अशा अनेक घटना घडत असल्याचे निदर्शनास येते आसाम मध्ये देखील असाच एक प्रकार घडून आला.
आसाममध्ये एका तरुणाने एका मुलाची हत्या केली, त्यामुळे संतप्त झालेल्या जमावाने मुलाच्या हत्येतील आरोपीला मजुरांनी जिवंत जाळले. जिवंत जाळलेला तरुण मानसिक आजारी असल्याचे सांगण्यात येत आहे. ही घटना दिब्रुगड जिल्ह्यातील आहे. येथील चहाच्या बागेत काम करणाऱ्या मजुरांनी या तरुणाला जिवंत जाळल्याचे सांगण्यात येत आहे. पोलिसांनी सांगितले की, मारल्या गेलेल्या तरुणाव एका मुलाची हत्या केल्याचा आरोप होता. ढोलजन चहाच्या राज्यात या घटनेनंतर नागरिक हादरले आहेत.
पोलिस अधीक्षक शिवांतक मिश्रा यांनी सांगितले की, सुनीत तंटी नावाच्या तरुणाच्या व्हरांड्यात हा मुलगा इतर काही मुलांसोबत खेळत होता. सुनीत तंटी हा मानसिक आजारी असल्याचे स्थानिकांचे म्हणणे आहे. तंट्याला अचानक राग आला आणि त्याने मुलाला बेदम मारले. तसेच मिळालेल्या माहितीनुसार, त्याने मुलाचा गळा चिरला होता. याप्रकरणी तपास सुरू करण्यात आल्याचे पोलीस अधीक्षकांनी सांगितले. मृतदेह पोस्टमॉर्टमसाठी पाठवण्यात आला आहे. परिस्थिती आता नियंत्रणात आहे. या प्रकरणी अद्याप कोणालाही अटक करण्यात आलेली नाही.
