इंडिया दर्पण ऑनलाईन डेस्क – कोणत्याही स्टेजवर एखादा कार्यक्रम सादर करणे ही काही सोपी गोष्ट नाही, अनेक वेळा गायन नृत्य किंवा अन्य सांस्कृतिक कार्यक्रम सुरू असताना अचानक काहीतरी अपघात घडतो किंवा आगळीवेगळी घटना घडते. त्यामुळे स्टेज वरील कलाकारांची फजिती होऊ शकते. परंतु त्याही परिस्थितीत काहीतरी जुगाड करून अनेक कलाकार कार्यक्रम सादर करतात.
अमेरिकेत देखील एका कलाकाराच्या बाबतीत अशीच घटना घडली. परंतु त्याने जुगाड करून कार्यक्रम सादरीकरण करणे सुरूच ठेवले नेमके काय घडले याचा व्हिडिओ व्हायरल होत असून ते बघून सर्वांनाच आश्चर्याचा धक्का बसू शकतो.
सोशल मीडियावर रोज काहीतरी व्हायरल होत असते, ते पाहून युजर्स आश्चर्यचकीत होत असतात. जगात प्रतिभेची कमतरता नाही. त्यातही जुगाडच्या बाबतीत भारताला नंबर वन म्हटले जात असले तरी अमेरिकेतील हा व्हिडीओ पाहून सगळे एकच म्हणतील, इथे तर मोठा जुगाड आहे.
जगप्रसिद्ध गायिकेने स्टेजवरच असा जुगाड केला की, बघणारे सगळेच म्हणू लागले वाह काय जुगाड आहे. खरंतर हॉलिवूडची प्रसिद्ध गायिका केटी पेरी हिने असा देसी जुगाड अवलंबला आहे की, हा विचार कोणाच्या मनात लवकरच येणार नाही. हा विचार कॅटी पेरीच्या मनात तेव्हाच आला, जेव्हा ती खचाखच भरलेल्या मेळाव्यात ती ओप्स मोमेंटची शिकार झाली.
केटीने ‘टीनएज ड्रीम’ या तिच्या हिट गाण्यावर परफॉर्म करण्‍यासाठी टू पीस सेपरेट सेट परिधान केले होते, जे तिच्या कर्वी बॉडीला सुंदरपणे हायलाइट करत होते. त्याच वेळी, हा पोशाख सिंगरने इटालियन ब्रँड DROME मधून घेतला होता, जो आजकाल खूप ट्रेंडमध्ये आहे.
तिच्या या सेटमध्ये कॉर्सेट स्टाइलचा टॉप होता, ज्यावर अॅनिमल प्रिंट दिसत होता. मात्र हॉलिवूड गायिका केटी पेरी अमेरिकन आयडॉल शोमध्ये परफॉर्मन्स देत असताना एक वेगळीच घटना घडली. कार्यक्रमाच्या सुरुवातीला सर्व काही ठीक चालले होते, गायिकेने नाचत-गाणे गाताना उपस्थित रासिकांनीही या क्षणाचा खूप आनंद घेतला. पण यादरम्यान, जेव्हा केटी पेरी तिच्या गाण्यावर नाचताना खाली बसती झाली, तेव्हा खचाखच भरलेल्या मेळाव्यात ती एका मोठ्या उफ्स क्षणाची बळी ठरली.
जेव्हा तिने परफॉर्मन्स देताना कॅटीची पॅन्ट मागून फाटली, त्यानंतर तिथे बसलेले प्रेक्षक तिला उघडया डोळ्यांनी पाहत राहिले. तथापि, या क्षणानंतरची सर्वात मजेदार गोष्ट म्हणजे कॅटीने आपला आत्मविश्वास ढळू दिला नाही आणि फाटलेल्या पँटनंतरही तिने परफॉर्म करणे सुरूच ठेवले, आणि सर्वांचे मन जिंकले.
या शोमध्ये तिचे सहकारी जज् लिओनेल रिची आणि ल्यूक ब्रायन उपस्थित होते आणि तिची पँट फाटल्याबरोबर त्यांना हसू आवरता आले नाही. तथापि, व्हिडिओमध्ये कॅटी पेरी स्पष्टपणे दिसत आहे की, या वेळी ती रडली नाही किंवा घाबरली नाही, उलट तिने हसले आणि तेथे उपस्थित क्रू मेंबर्सना विचारले, ‘मला टेप मिळेल का?’ कॅटीचे ऐकून क्रू मेंबर्सनी टेप आणला. आणि पॅंटच्या फाटलेल्या भागावर पिवळ्या रंगाची टेप म्हणजे चिकटपट्टी लावून तिला एक नवीन रूप दिले.
