इंडिया दर्पण ऑनलाईन डेस्क – स्वत:च्या मुलीचाच लैंगिक छळ करणाऱ्या विकृत, वासनांध पित्याला उच्च न्यायालयाने चपराक लगावली. या प्रकाराने मुलगी आणि वडीलाच्या पवित्र नात्याला काळीमा फासल्याची भावना समाजील सर्व स्तरातून व्यक्त होत आहे.
वडील आणि मुलीचे अत्यंत पवित्र नाते विटाळण्याचा प्रकार ओडिशा येथे घडला आहे. जुलै २०१५ मध्ये एक दिवस आरोपी वडिलांनी स्वतःच्या अल्पवयीन मुलीला मिठी मारली. तसेच तिच्या स्तनांसह गुप्तांगांना स्पर्श केला. वडिलांचे हे कृत्य पाहून पीडित मुलगी जोरजोराने रडायला लागली. त्यानंतर आरोपी वडील मुलीला घरात सोडून निघून गेला. मात्र, हा प्रकार इथेच थांबला नाही. त्याच रात्री आरोपी मुलीजवळ झोपला. यावेळी त्याने पीडितेला निर्वस्त्र केले आणि तिच्या योनीत बोट घातलं. या प्रकारानंतर मुलगी रडायला लागली. अशाप्रकारच्या संतापजनक घटना वारंवार होत राहिल्या. विरोध करूनही आरोपी वडिलांनी अल्पवयीन मुलीवरील अत्याचार सुरूच ठेवले.
वडीलच असं करत असल्याने बराच काळ पीडित मुलीला याविषयी बोलता आले नाही. मात्र, परिस्थिती सहन करण्यापलिकडे गेल्यावर पीडित मुलीने फेब्रुवारी २०१६ मध्ये या सर्व प्रकाराची माहिती आईला दिली. आपल्या मुलीबरोबर होत असलेल्या संतापजनक प्रकाराची माहिती मिळताच आईला धक्का बसला. यावरून पीडितेच्या आई-वडिलांमध्ये जोरदार भांडण झाले. त्यानंतर पीडितेच्या आईने पोलिसांकडे तक्रार करण्याचा निर्णय घेतला आणि आरोपीविरोधात गुन्हा दाखल झाला. यानंतर आरोपपत्र दाखल होऊन सत्र न्यायालयात सुनावणी झाली. न्यायालयाने आरोपीला दोषी ठरवत शिक्षा सुनावली. आरोपीने या शिक्षेविरोधात उच्च न्यायालयात याचिका दाखल केली. मात्र, उच्च न्यायालयाने आरोपीची याचिका फेटाळत सत्र न्यायालयाच्या निर्णयावर शिक्कामोर्तब केले.
काय म्हणाले उच्च न्यायालय?
यत्र नार्यस्तु पूज्यन्ते रमन्ते तत्र देवता’ याचा अर्थ आहे की, जेथे महिलांची पुजा केली जाते तेथे सर्वशक्तीमान देव वसतो. जेथे स्त्रियांचा सन्मान होतो तेथे दिव्यता निर्माण होते. हे श्लोक महिलांशी सन्मानाने वागण्यावर प्रकाश टाकतात. आरोपी वडिलांनी आपल्या अधिकाराचा आणि मुलीने टाकलेल्या विश्वासाचा गैरवापर केला आणि तिच्यावर बलात्कार केला आहे, असे निरीक्षण नोंदवित उच्च न्यायालयाने वडीलांना कुठल्याह प्रकारचा दिलासा देण्यास नकार दिला.
High Court Order Father Sexual Abuse Daughter
Odisha Physically Abuse
