विशेष प्रतिनिधी, पुणे
सध्याच्या कोरोना संसर्गाच्या काळात प्रत्येकालाच आपले आरोग्य चांगले ठेवण्यासाठी व्यायाम व योगाची गरज आहे. दरवर्षी आंतरराष्ट्रीय योग दिन साजरा करण्यात येतो. यंदा मात्र कोरोना आणि लॉकडाऊनमुळे प्रत्येकालाच घरच्या घरीच हा योग दिन साजरा करावा लागत आहे. केवळ एक दिवस नाही तर वर्षभर आणि कायमच योगा केला तर आपली प्रतिकार शक्ती वाढून आरोग्य चांगले राहते.
स्वत: ला फीट आणि तंदुरुस्त ठेवू इच्छित असाल तर योग अॅप आपल्याला खूप मदत करू शकेल. साधारणत: काही पायाभूत माहिती व सुविधांच्या मदतीने योग केले पाहिजेत. परंतु जर एखादा शिक्षक उपलब्ध नसेल तर योग अ‍ॅपच्या मदतीने एखादा माणूस तंदुरुस्त राहू शकतो. यासाठी टॉप ५ योगा अ‍ॅप्सबद्दल जाणून घेऊ या…
फिटर
फिटर योग अॅप गूगल प्ले स्टोअरवर दहा लाखाहून अधिक लोकांनी डाउनलोड केले आहे. त्याचे रेटिंग ४.४ आहे. हा अॅप आपल्याला तंदुरुस्त राहण्यास मदत करतो. अ‍ॅपमध्ये कॅलरीची संख्या, आहार योजना इत्यादी विविध पद्धती उपलब्ध आहेत. यामध्ये न्यूट्रिशन अँड ट्रेनिंग, योगा, झुम्बा, सामर्थ्य आणि कंडिशनिंग यासारख्या वैशिष्ट्ये देण्यात आली आहेत. यावर योगास पात्र असलेले अनेक प्रशिक्षक असून ते आपल्याला योगासंदर्भात टिप्स देतात. तसेच, काय खावे आणि काय नाही याबद्दलची माहिती अ‍ॅपमधून मिळू शकते.
