इंडिया दर्पण ऑनलाईन डेस्क – रुग्णांचे हृदय तंदुरुस्त ठेवणाऱ्या, हार्ट सर्जरी करणाऱ्या डॉक्टरचाच हार्ट अटॅकने मृत्यू झाल्याची घटना घडली आहे. या हृदयद्रावक घटनेबद्दल वैद्यकीय क्षेत्रात हळहळ व्यक्त करण्यात येत आहे. गुजरातमधील जामनगर येथील या प्रसिद्ध कार्डियोलॉजिस्टचे नाव डॉ. गौरव गांधी आहे.
डॉ. गौरव गांधी कार्डिओलॉजिस्ट म्हणून विख्यात आहेत. त्यांच्याकडे दररोज मोठ्या संख्येने रुग्ण येतात. एक नावाजलेले डॉक्टर म्हणून त्यांची ख्याती आहे. आजवर अनेक रुग्णांचे जीव त्यांनी वाचविले आहेत. इतरांचे हृदय दुरुस्त करणाऱ्या गांधी यांचा मृत्यू हृदयविकाराने झाल्याबद्दल आश्चर्य व्यक्त करण्यात येत आहे. डॉ. गौरव गांधी नेहमीप्रमाणे सोमवारी रात्री रुग्णांची तपासणी करुन घरी परतले.
रात्रीचे जेवण करून झोपी गेलो. सकाळी कुटुंबीय त्याला उठवण्यासाठी आले त्यावेळी डॉ. गांधी त्यांना गंभीर अवस्थेत दिसले. त्यानंतर त्यांना रुग्णालयात दाखल करण्यात आले. मात्र, डॉक्टरांनी त्यांना तेथे मृत घोषित केले. गांधी यांचे हृदयविकाराच्या झटक्याने निधन झाल्याले डॉक्टरांनी सांगितले.
डॉ. गौरव गांधी गुजरातमधील प्रसिद्ध डॉक्टर होते. त्यांनी आतापर्यंत १६ हजारांहून अधिक हार्ट सर्जरी केल्या होत्या. हजारो रुग्णांना त्यांनी सर्जरीद्वारे नवे जीवन दिले होते. परंतु, हृदयविकाराच्या झटक्याने त्यांचा जीव गेला. गौरव गांधी यांनी जामनगरमधून एमबीबीएसचे शिक्षण घेतल्यानंतर एमडी पदवी मिळवली. त्यांनी अहमदाबादमध्ये कार्डिओलॉजीचे शिक्षण पूर्ण केले.
डॉ. नीतू मांडकेंची झाली आठवण
मुंबई येथील प्रसिद्ध हृदयरोगतज्ज्ञ डॉ. नीतू मांडके यांचादेखील काही वर्षांपूर्वी हृदयविकाराने निधन झाले होते. शिवसेनाप्रमुख बाळासाहेब ठाकरे यांना जीवदान देणाऱ्या डॉ. मांडके यांचा मृत्यूदेखील हृदयविकाराने झाल्याबद्दल आश्चर्य व्यक्त करण्यात आले होते. डॉ. गौरव गांधी यांच्या मृत्यूने पुन्हा एकदा डॉ. मांडके यांची आठवण झाली.
Heart Surgeon Doctor Gaurav Gandhi Death
